នៅ​ ​ស្រីពៅ ​ទៅ​បោះ​ជំរំ​ហ្វឹកហាត់​នៅ​ជប៉ុន​​ដើម្បី​​ស្វែង​រក​​លទ្ធផល​ល្អ​នៅ​ស៊ីហ្គេម​ចុង​ឆ្នាំ​នេះ​

កីឡាការិនី​គុន​ខ្មែរ​ នៅ ស្រីពៅ​ ដែល​​ជាប់​​​នៅ​ក្រុម​ជម្រើស​ក្នុង​វិញ្ញាសា​ប្រដាល់​សកល​​​នោះ​ គ្រោង​ចេញ​ទៅ​​ហ្វឹកហាត់​នៅ​ប្រទេស​ជប៉ុន​​នា​ថ្ងៃ​ទី ១ ​ខែ ​កញ្ញា​ ខាង​មុខ​ដើម្បី​ត្រៀម​ខ្លួន​ឲ្យ​បាន​ល្អ​សម្រាប់​ព្រឹត្តិការណ៍​ស៊ីហ្គេម​​​ចុង​ឆ្នាំ​​២០១៩ ​នេះ​នៅ​ហ្វីលីពីន។​ ​ការ​ចេញ​ទៅ​ហ្វឹកហាត់​នេះ​ ​គឺ​រហូត​ដល់​ថ្ងៃ​ចេញ​ទៅ​ប្រកួត​នៅ​ស៊ីហ្គេម​តែ​ម្ដង។ ​​ស៊ីហ្គេម​លើក​ទី​៣០ ​ដែល​រៀប​ចំ​នៅ​​ហ្វីលីពីន​ ​នឹង​ចាប់​ផ្ដើម​​​នៅ​ថ្ងៃ​ទី​ ៣០ ខែ​ វិច្ឆិកា​ ​រហូត​ដល់​​ថ្ងៃ​ទី​ ១១ ខែ ធ្នូ​ ឆ្នាំ​ ២០១៩។​ នៅ​ ស្រីពៅ​ ដែល​កំពុង​ក្រសោប​​បាន​ប្រជា​ប្រិយភាព​ខ្លាំង​ក្លា​​មួយ​​​រយៈ​ចុង​ក្រោយ​នេះ​បាន​ថ្លែង​​ថា៖«​​ឆ្នាំ​នេះ​ជា​លើក​ទី១​ ខ្ញុំ​ទៅ​ចូល​រួម​នៅ​ស៊ីហ្គេម។ ​ហើយ​ការ​ចេញ​​​ទៅ​ហាត់​នៅ​ជប៉ុន​នេះ គឺ ដើម្បី​បង្កើន​បច្ចេកទេស​​ និង​ ​​​​នាំ​យក​លទ្ធផល​​ល្អ​ជូន​​អ្នក​គាំទ្រ​​និង ​ជាតិ​វិញ។ ​ខ្ញុំ​រំភើប​​ចិត្ត​ នេះ​ជា​លើក​ទី​១ ​ដែល​​ខ្ញុំ​មាន​​ឱកាស​ទៅ​ហ្វឹកហាត់​ក្រៅ​ប្រទេស។ ខ្ញុំ​នឹង​ទទួល​បាន​បទ​ពិសោធន៍​​ច្រើន​អំពី​ការ​ហ្វឹកហាត់​​នេះ​»។ ជា​រឿយៗ​ ​មុន​ចេញ​ទៅ​ប្រកួត​នៅ​ស៊ីហ្គេម​ ​ក្រុម​កីឡាករ​ប្រដាល់​ជម្រើស​ជាតិ​តែង​តែ​ទៅ​ហ្វឹកហាត់​ និង បោះ​ជំរំ​នៅ​ប្រទេស​ថៃ។​ ​​ប៉ុន្តែ​​ឆ្នាំ​នេះ​ទទួល​បាន​​ឱកាស​ទៅ​ទៅ​ហ្វឹកហាត់​នៅ​ជប៉ុន ដែល​ជា​រឿង​មួយ​ល្អ​​​នៅ​ប្រទេស​មាន​វិន័យ​តឹងរ៉ឹង​​មួយ​នេះ។ ​​​កាល​ឆ្នាំ ​​២០១៧ លោក​ វ៉ែន​ សុផល បាន​ដឹក​នាំ​កីឡាករ​ ៣ ​នាក់​ទៅ​ហាត់​នៅ​ប្រទេស​ថៃ​​រយៈ​ពេល​១​ខែ​ពេញ​មុន​​ចេញ​ទៅ​ស៊ីហ្គេម​ រួម​មាន​ ​ណាត … Continue reading នៅ​ ​ស្រីពៅ ​ទៅ​បោះ​ជំរំ​ហ្វឹកហាត់​នៅ​ជប៉ុន​​ដើម្បី​​ស្វែង​រក​​លទ្ធផល​ល្អ​នៅ​ស៊ីហ្គេម​ចុង​ឆ្នាំ​នេះ​

នៅ​ ​ស្រីពៅ ​​​​ដែល​កំពុង​មាន​ប្រជា​ប្រិយភាព​ គ្រោង​​ធ្វើ​អ្វី​នៅ​ថ្ងៃ​​អនាគត​​​ពេល​ប្រកួត​លែង​កើត?

​​កីឡាការិនី​គុន​ខ្មែរ​ នៅ​ ស្រីពៅ​ ដែល​​កំពុង​ទទួល​បាន​ប្រជា​ប្រិយភាព​​នៅ​ក្នុង​ស្រុក​ និង ឆាក​អន្តរជាតិ​តាម​​រយៈ​ការ​ទៅ​ប្រកួត​សង្វៀន​ ONE Championship ​នា​ពេល​ថ្មីៗ​នេះ​​​បាន​ដាក់​គោល​ដៅ​រួច​ហើយ​ទៅ​ថ្ងៃ​​អនាគត​ បើ​សិន​ជា​ឡើង​ប្រកួត​លែង​កើត។​ ​ស្រីពៅ ​ដែល​ឡើង​ប្រកួត​នៅ​សង្វៀន​ ONE ចំនួន​ពីរ​លើក​​ បាន​បង្ហើប​បំណង​ថា ​​ខ្លួន​ចង់​ក្លាយ​ជា​ ​គ្រូ​បង្វឹក​ ចៅ​ក្រម​ ឬ​ ​បើ​មាន​លទ្ធភាព​​អាច​ចង់​បើក​​ក្លិប​ប្រដាល់​មួយ​នៅ​ក្នុង​ភូមិ​​​ម្ដុំ​ចំការ​ដូង​ដែល​រស់​​នៅ​បច្ចុប្បន្ន​ទៀត​ផង។ ​នៅ​ ស្រី​ពៅ​ ដែល​​ជា​ម្ចាស់​ខ្សែ​ក្រវាត់​គុន​ខ្មែរ​ទម្ងន់​ ៦៣,៥ ​គីឡូក្រាម​បាន​​​​​ ​គូស​បញ្ជាក់​ថា​ ៖«គោល​បំណង​ខ្ញុំ​ចង់​ធ្វើ​​ទៅ​ថ្ងៃ​មុខ​​បង​​ គឺ ​ចៅ​ក្រម​ អាជ្ញា​កណ្ដាល ​និង គ្រូ​បង្វឹក​​ផង​ ហើយ​ខ្ញុំ​ត្រូវ​រៀន​ពី​​ឥឡូវ​ទៅ។ នេះ​ជា​ឱកាស​ល្អ​ព្រោះ​​ការងារ​នេះ​​ នារីៗ​មិន​សូវ​សម្បូរ​ទេ។​ ​បង​សួរ​ដូច​​ពិបាក​ឆ្លើយ​រឿង​មាន​ប្ដី..ហឹម​ បើ​​សិន​ខ្ញុំ​​មាន​ប្ដី​ ​ហើយ​ខ្ញុំ​នៅ​ប្រកួត​បាន​គឺ ខ្ញុំ​នៅ​តែ​ប្រកួត។ ​បើ​ប្ដី​ខ្ញុំ​ ឲ្យ​ប្រកួត​ខ្ញុំ​នៅ​ប្រកួត​ ព្រោះ​នៅ​ស្រុក​គេ​ ដូច​ Priscilla គាត់​មាន​កូន​មាន​ប្ដី​ គាត់​នៅ​ប្រកួត​ជា​មួយ​ខ្ញុំ​​បាន»។ ​កីឡា​​ការិនី​ឆ្នើម​ប្រចាំ​សង្វៀន​ World Lethwei Championship ​បាន​បន្ត​ថា​ ​ពេល​ឃើញ​​ប្រពន្ធ​លោក​គ្រូ​​អេ ភូថង​ អ្នក​ស្រី សឹង​ … Continue reading នៅ​ ​ស្រីពៅ ​​​​ដែល​កំពុង​មាន​ប្រជា​ប្រិយភាព​ គ្រោង​​ធ្វើ​អ្វី​នៅ​ថ្ងៃ​​អនាគត​​​ពេល​ប្រកួត​លែង​កើត?

ក្រៅ​ពី​កីឡាប្រដាល់​ តើ​ នៅ​ ​ស្រីពៅ ​​ចូល​​ចិត្ត​កីឡា​អ្វី​ទៅ? ​

បច្ចុប្បន្ន​នេះ​ នៅ​ ស្រីពៅ​ ​បាន​ក្លាយ​ជា​កីឡាការិនី​ប្រដាល់​​គុន​ខ្មែរ​ និង​ គុន​ចម្រុះ​កំពូល​ម្នាក់​នៅ​ក្នុង​ចំណោម​កីឡាករ​នៅ​​កម្ពុជា។​ ​មុន​ឈាន​ជើង​​ចូល​ក្នុង​វិស័យ​កីឡា​ប្រដាល់​​តាំង​ពី​ដើម​ឆ្នាំ​ ២០១៤​ មក​នោះ​ ​ស្រីពៅ ​បង្ហើប​ថា​ កីឡា​ដែល​ខ្លួន​ចូល​ចិត្ត​ក្រៅ​ពី​ប្រដាល់​គឺ ​«កីឡាហែលទឹក»។​ ​កីឡាការិនី​វ័យ​ ២៤​​ឆ្នាំ​បញ្ជាក់​​​បែប​​នេះ​ ៖«​ខ្ញុំ​ចូល​ចិត្ត​កីឡា​ហែល​ទឹក​តាំង​ពី​តូច​ ​ទោះ​ធំ​ឡើង​មិន​មែន​ក្លាយ​ជា​កីឡាការិនី​ហែល​ទឹក​ក៏​ដោយ។ ​​ប៉ុន្តែ​ ​រៀង​រាល់​ថ្ងៃ​ព្រហស្បតិ៍​​ ​ខាង​គ្រូ​ហាត់​ប្រដាល់​ខ្ញុំ ​​គាត់​ឲ្យ​ទៅ​ហែល​ទឹក​ ឬ ​ទាត់​បាល់។ ​ប៉ុន្តែ​​ឥឡូវ​ខក​ខាន​មួយ​រយៈ​រឿង​ហែល​ទឹក​ព្រោះ​គេ​ជួសជុល​អាង​ទឹក​ថ្មី​នៅ​ពហុកីឡដ្ឋាន​ជាតិ។ ​ខ្ញុំ​ចូល​ចិត្ត​ហែល​ទឹក​តាំង​ពី​តូច​ ​អាយុ​ប្រហែល​ ១០ ឆ្នាំ។​ ​​​ក្បែរ​ផ្ទះ​​ម៉ាក់ប៉ា​ខ្ញុំ​នៅ​​ចំការ​ដូង​​ចិញ្ចឹម​ទា​​នៅ​បឹង​ ហើយ​ ប៉ា​ខ្ញុំ​ប្រាប់​ថា​​ខ្ញុំ​ចេះ​ហែល​ទឹក​នៅ​បឹង​​នោះ​​ដោយ​គ្មាន​អ្នក​បង្ហាត់​ទេ។ ​កាល​នៅ​ក្មេង​ហែល​​ទឹក​សឹង​មួយ​ព្រឹក​ទល់​ល្ងាច​ក៏​មាន»។ ​កីឡាការិនី​ដដែល​នេះ​​រៀបរាប់​ទៀត​ថា​ ​កីឡា​ហែល​ទឹក​ធ្វើ​ឲ្យ​សុខ​ភាព​ល្អ​ និង​ រក្សា​រាង​រៅ​បាន​ស្អាត​​ដែល​ខុស​ពី​ប្រដាល់​ដែល​ធ្វើ​ឲ្យ​ឈឺ​សាច់។ ​យ៉ាង​ណា​ក្ដី ​​កីឡា​ទាំង​ពីរ​​នេះ​មាន​ចំណុច​ល្អ​រៀងៗ​ខ្លួន។​ ​ប៉ុន្តែ​​បើ​ហាត់​ប្រដាល់​សាច់​ដុំ​​ឡើង​កង់ៗ​ ស្រប​ពេល​ ហែល​ទឹក​ជួយ​​​ឲ្យ​រាង​កាយ​រឹង​មាំ​​ ​​និង​​ស្អាត​ជាង។ ការ​មិន​បាន​ចាប់​អាជីព​​យក​កីឡា​ហែល​ទឹក​​ ​ដោយ​សារ​មាន​បង​ប្រុស​របស់​ខ្លួន​ឈ្មោះ​ នៅ​ ស៊ីថា​ ​ហ្វឹកហាត់​ប្រដាល់។ ​​ការ​ស្រលាញ់​​ជា​រឿង​មួយ​ផ្នែក​ ​ខណៈ​ មាន​ការ​ជំរុញ​ពី​បង​ប្រុស​ផង​នេះ​ ធ្វើ​ឲ្យ ស្រីពៅ​ ​​មាន​ឈ្មោះ​ក្នុង​វិស័យ​ប្រដាល់​ដល់​​សព្វថ្ងៃ។ ​​យ៉ាង​​ក្ដី​​កីឡាការិនី​ឆ្នើម​ប្រចាំ​សង្វៀន​ World … Continue reading ក្រៅ​ពី​កីឡាប្រដាល់​ តើ​ នៅ​ ​ស្រីពៅ ​​ចូល​​ចិត្ត​កីឡា​អ្វី​ទៅ? ​

រឿង​ត្រូវ​ដឹង​​អំពី​​ជើង​ខ្លាំង​​ Priscilla ដៃគូ​ នៅ​ ​ស្រីពៅ ​​លើ​​សង្វៀន​ ONE

Priscilla Hertati Lumban Gaol​ ជា​កីឡាការិនី​មាន​ប្រៀប​ខាង​ម្ចាស់​ផ្ទះ​​ត្រូវ​​តតាំង​ ​អ្នក​លេង​ជើង​ថ្មី​​​កីឡាការិនិ​ជម្រើស​ជាតិ​កម្ពុជា​ នៅ​ ​ស្រីពៅ ​នៅ​​សង្វៀន​ ONE: FOR HONOR ​​​នា​​ថ្ងៃ​ទី​ ៣ ​ខែ​ ឧសភា ​ឆ្នាំ​ ២០១៩​ ​នៅ​​រដ្ឋ​ធានី​ហ្សាកាតា​​ ប្រទេស​ឥណ្ឌូណេស៊ី។ ​ក្នុង​ជំនួប​នេះ​មាន​រឿង​មួយ​​ចំនួន​គួរ​ឲ្យ​កត់​សម្គាល់​​ដែល​ត្រូវ​ដឹង​មុន​ការ​ប្រកួត​ចាប់​ផ្ដើម។ កីឡាការិនី​ Priscilla Hertati Lumban Gaol ​​​មាន​វ័យ​ ​៣០​ ឆ្នាំ​ ​ច្រើន​ជាង​ នៅ ​ស្រីពៅ រហូត​ដល់​ ៦ ឆ្នាំ។​ ​Priscilla ជា​កីឡាការិនី​ប្រចាំ​សង្វៀន​ ONE Championship ​ ​តាំង​ពី​ឆ្នាំ​ ២០១៧ មក និង​ មាន​បទ​ពិសោធន៍​ច្រើន​ជាង​​គូ​បដិបក្ខ​​​តំណាង​ឲ្យ​កម្ពុជា។ ​​កីឡាការិនី​សញ្ជាតិ​ឥណ្ឌូណេស៊ី​ រូប​នេះ​ប្រកួត​លើ​សង្វៀន​កម្រិត​ពិភព​លោក​​​ ONE ​បាន​ចំនួន​ ​៩​លើក​ ​ក្នុង​​នោះ​​ឈ្នះ​ ៥​​លើក​ និង ​ចាញ់​ ៤ … Continue reading រឿង​ត្រូវ​ដឹង​​អំពី​​ជើង​ខ្លាំង​​ Priscilla ដៃគូ​ នៅ​ ​ស្រីពៅ ​​លើ​​សង្វៀន​ ONE

សំ ថារ័ត្ន និង វី ស្រីខួច​ ​បង្ហើប​អំពី​ចំណុច​ព្រួយ​បារម្ភ​របស់​ នៅ ស្រីពៅ តតាំង​នឹង​ Priscilla 

​កីឡាការិនី​គុន​ខ្មែរ​ពីរ​រូប​ សំ ថារ័ត្ន និង​ ​វី ស្រីខួច​ ​បាន​បង្ហើប​អំពី​ចំណុច​ព្រួយ​បារម្ភ​​របស់​ កីឡាការិនី​នៅ​ ស្រីពៅ ​តទល់​នឹង​​​កីឡាការិនី​ម្ចាស់​ផ្ទះ​ Priscilla  Hertati Lumban Gaol ​​នៅ​​សង្វៀន​ ONE: FOR HONOR ​​​នា​​ថ្ងៃ​ទី​ ៣ ​ខែ​ ឧសភា ​ឆ្នាំ​ ២០១៩​ ​ខាង​មុខ​នៅ​ប្រទេស​ ឥណ្ឌូណេស៊ី។ កីឡាការិនី​ល្បុក្កតោ​ សំ ថារ័ត្ន មើល​ឃើញ​ថា៖ « ​ខ្ញុំ​ខ្លាច​ក្បាច់​​ចូល​ចាប់​ និង ឃ្លេ​ របស់ Priscilla​ ព្រោះ​​ស្រីពៅ​ ​បាន​រៀន​​ក្បាច់​ឃ្លេ​​ត្រឹម​រយៈ​ពេល​ខ្លី​ ​ត្រឹម​​ប្រហែល​ ១ ខែ​ មុន​ទៅ​វ៉ៃ​ជា​មួយ​ Rika។​ ខ្ញុំ​គិត​ថា​​​អ្នក​ទាំង​ពីរ​វ៉ៃ​ឈរ​​ច្រើន​ជាង​វ៉ៃ​ឱប​ ហើយ​​បើ​ឈរ​វ៉ៃ​អាច​ចាវ​គ្នា»។​ ​ សំ ថារ័ត្ន ​​គូស​បញ្ជាក់​ទៀត​ថា​ ​​ស្រីពៅ​ ​នឹង​ប្រើ​កម្លាំង​​​រុញ​ចេញ​ និង​ វ៉ៃ​ការពារ​​បើ​សិន​ករណី​​កីឡាការិនី​វ័យ​ ៣០ ឆ្នាំ​របស់​ … Continue reading សំ ថារ័ត្ន និង វី ស្រីខួច​ ​បង្ហើប​អំពី​ចំណុច​ព្រួយ​បារម្ភ​របស់​ នៅ ស្រីពៅ តតាំង​នឹង​ Priscilla 

អនុប្រធាន​សហ័ន្ធ​កីឡា​យុទ្ធគុន​ចម្រុះ​បង្ហាញ​មោទនភាព​​ចំពោះ​ ចាន់​ រតនា និង ​នៅ ស្រីពៅ មុន​ទៅ​ប្រកួត​នៅ ONE Championship​​

លោក ​កែ ប៊ិនសូរស្មី ​ អនុ​ប្រធាន​​​សហព័ន្ធ​កីឡា​យុទ្ធគុន​ចម្រុះ​កម្ពុជា​​​​​ដែល​​ត្រូវ​បាន​តែង​តាំង​នា​ចុង​ឆ្នាំ​ ​២០១៨​ ​​បាន​បង្ហាញ​អំពី​មោទនភាព​​ចំពោះ​ ​ចាន់ រតនា​ ​និង​ នៅ​​ ស្រីពៅ​ ​មុន​​​​ចេញ​ទៅ​ប្រកួត​នៅ​​សង្វៀន​កម្រិត​ពិភព​លោក​ ONE Championship តំណាង​ឲ្យ​កម្ពុជា​​ ហើយ​ ​រំពឹង​ថា​​​អ្នក​ទាំង​ពីរ​​នឹង​ធ្វើ​បាន​ល្អ​នា​ដើម​ខែ​ សភាព​ ខាង​មុខ។​ ​កីឡាករ​ម្ចាស់​ផ្ទះ​ Rudy Agustian ​ជួប​​ ចាន់ រតនា ​ ​ដែល​នឹង​ធ្វើ​ឲ្យ​អ្នក​គាំទ្រ​​​កម្ពុជា​ អន្ទះសា​​​ចង់​ទស្សនា​ ខណៈ​ដែល​ ​​កីឡាការិនី​ជម្រើស​ជាតិ​ នៅ ស្រីពៅ​ ​ប៉ះ​ កីឡាការិនី​ម្ចាស់​ផ្ទះ​ Priscilla Hertati Lumban Gaol ​​នៅ​សង្វៀន​ ONE: FOR HONOR​ ​នា​​ថ្ងៃ​​​ទី​ ៣​ ឧសភា ជា​មួយ​គ្នា​នៅ​​​ប្រទេស​ ឥណ្ឌូណេស៊ី។ លោក​​​បង្ហាញ​ចំណាប់​អារម្មណ៍​​អម​ដោយ​មោទនភាព​ក្នុង​នាម​​ជា​កីឡាករ​​នៅ​​ក្រោម​​ដំបូង​សហព័ន្ធ​កីឡា​យុទ្ធ​គុន​ចម្រុះ​​កម្ពុជា​បែប​នេះ ​៖« ​ទាំង​​ ចាន់ រតនា ​និង​ នៅ … Continue reading អនុប្រធាន​សហ័ន្ធ​កីឡា​យុទ្ធគុន​ចម្រុះ​បង្ហាញ​មោទនភាព​​ចំពោះ​ ចាន់​ រតនា និង ​នៅ ស្រីពៅ មុន​ទៅ​ប្រកួត​នៅ ONE Championship​​

Nou Srey Pov Says She Needs More Than Raw Power To Win In Jakarta

One of the most exciting new additions to ONE Championship’s women’s atomweight roster will be back in action at ONE: FOR HONOR as she attempts to build on a stunning debut. In February, Cambodia’s Nou Srey Pov made a massive statement when she dominated Thai mixed martial arts star Rika “Tiny Doll” Ishige at ONE: CLASH OF LEGENDS in her hometown … Continue reading Nou Srey Pov Says She Needs More Than Raw Power To Win In Jakarta

នៅ​ ស្រីពៅ​ ​​ប្រាប់​អំពី​ចំណុច​ល្អ​​របស់​គូបដិបក្ខ​ Priscilla ​មុន​ជួប​គ្នា​នៅ​សង្វៀន​ ONE

កីឡាការិនី​ជម្រើស​ជាតិ​កម្ពុជា​ នៅ​ ​ស្រីពៅ ​​ដែល​ទទួល​បាន​ពាន​​ក្នុង​នាម​កីឡាការិនី​ឆ្នើម​​ប្រចាំ​សង្វៀន​ World Lethwei Championship ​​​នៅ​ប្រទេស​មីយ៉ាន់ម៉ា​​នា​ចុង​ឆ្នាំ​ ២០១៨​​នោះ​​ ​​​ត្រូវ​ផ្គូផ្គង​​ឲ្យ​ប៉ះ​កីឡាការិនី​​​មាន​បទ​ពិសោធន៍​ច្រើន​ Priscilla Hertati Lumban Gaol នៅ​សង្វៀន​​ ONE: FOR HONOR ​​​នា​​ថ្ងៃ​ទី​ ៣ ​ខែ​ ឧសភា ​ឆ្នាំ​ ២០១៩​ ​ខាង​មុខ​នៅ​ប្រទេស​ ឥណ្ឌូណេស៊ី។ កីឡាកា​រិនី​ ​វ័យ​ ២៤​ ឆ្នាំ​​ដែល​កំពុង​ទទួល​បាន​​ប្រជាប្រិយភាព​នៅ​​ព្រះរាជាណាចក្រ​កម្ពុជា​​បាន​ថ្លែង​អំពី​​​ចំណុច​សំខាន់​របស់​គូ​ប្រកួត​បែប​នេះ​ ៖«​ខ្ញុំ​បាន​មើល​វីដេអូ​ Priscilla ​ ​ជា​ច្រើន​ប្រកួត​ហើយ​ ហើយ​កម្លាំង​គាត់​ខ្លាំង​ជាង​ដៃ​គូ​ចាស់​របស់​ខ្ញុំ​ Riga ​កាល​នៅ​ថៃ​ផង។ ​ខ្ញុំ​​​នឹង​ប្រើ​ក្បាច់​វ៉ៃ​ប្រយោល​ ទប់​ និង​ ​មិន​ឲ្យ​​​​គាត់​ចូល​ចាប់​ឃ្លេ​​នោះ​ទេ​។ ​ខ្ញុំ​មិន​ហ៊ាន​សង្ឃឹម​ថា​ឈ្នះ​​ទេ​ ព្រោះ​គេ​ខ្លាំង​ដែរ តែ​​ខ្ញុំ​គិត​ថា​ ៥០% ដូច​គ្នា។​»។ ​​បើ​​និយាយ​អំពី​ Priscilla Hertati Lumban Gaol វិញ​ ​មាន​​បទ​ពិសោធន៍​​ក្រាស់​រហូត​ដល់​ ៩ ដង​នៅ​សង្វៀន​ … Continue reading នៅ​ ស្រីពៅ​ ​​ប្រាប់​អំពី​ចំណុច​ល្អ​​របស់​គូបដិបក្ខ​ Priscilla ​មុន​ជួប​គ្នា​នៅ​សង្វៀន​ ONE

ហ៊ុន ច័ន្ទរាជ្យ ប្រាប់អំពីចំណុចខ្សោយ និង ខ្លាំងរវាង Priscilla តតាំង នៅ ស្រីពៅ

ការប្រកួតរវាងកីឡាការិនីម្ចាស់ផ្ទះ Priscilla Hertati Lumban Gaolនិង កីឡាការិនិជម្រើសជាតិកម្ពុជា នៅ ស្រីពៅ កាន់តែខិតជិតមកដល់ហើយនៅសង្វៀន ONE: FOR HONOR នាថ្ងៃទី ៣ ខែ ឧសភា ឆ្នាំ ២០១៩ ខាងមុខនៅប្រទេស ឥណ្ឌូណេស៊ី។ គ្រូបង្វឹក ហ៊ុន ច័ន្ទរាជ្យ ប្រចាំក្លិប Cambodian Top Team និង ត្រូវដឹកនាំកីឡាការិនីទៅប្រកួតនាពេលខាងមុខនោះបានបង្ហើបអំពីចំណុចខ្លាំង និង ចំណុចខ្សោយមួយចំនួនរវាងជំនួបខាងលើ។ លោក ហ៊ុន ច័ន្ទរាជ្យ សង្កត់ធ្ងន់ថា ៖« Priscilla គេមានបទពិសោធន៍ច្រើនដល់ ៩ ដងនៅសង្វៀន One Championship និង កម្លាំងខ្លាំងជាងកីឡាការិនីថៃ Riga ដែល ស្រីពៅ ទទួលជ័យជម្នះផង។ កម្លាំងកាច់ បោក ក្លេរគេខ្លាំង ដូច្នេះ យើងត្រូវការពារកុំឲ្យគេក្លេរបាន និង បោកបាន។» … Continue reading ហ៊ុន ច័ន្ទរាជ្យ ប្រាប់អំពីចំណុចខ្សោយ និង ខ្លាំងរវាង Priscilla តតាំង នៅ ស្រីពៅ

​នៅ​ ​ស្រីពៅ ​រៀបរាប់​អំពី​ការ​​លំបាក​ពេល​ហាត់​គុន​ខ្មែរ​ គុន​ចម្រុះ និង​ ប្រដាល់​សកល

​នៅ​ ស្រីពៅ ​​ដែល​ទទួល​ស្គាល់​​ថា​ជា​កីឡាករ​ជួរ​មុខ​លំដាប់​ប្រទេស​តាម​រយៈ​​គុន​ខ្មែរ​​នោះ​​​បាន​ចេញ​​មក​​រៀបរាប់​​អំពី​ផល​លំបាក​ពេល​ចូល​ហ្វឹកហាត់​គុន​ខ្មែរ​លើក​ដំបូង ​​ ​បន្ទាប់​មក​ហាត់​គុន​ចម្រុះ​ និង​ ​ហាត់​ប្រដាល់​សកល​​​ត្រៀម​ប្រកួត​ស៊ីហ្គេម​នៅ​ប្រទេស​ហ្វីលីពីន​ចុង​ឆ្នាំ​នេះ។​ ​កីឡាការិនិ​គុន​ខ្មែរ​​មក​ពី​ក្លិប​​ប្រដាល់​តាឡី​ដំរី​មានរិទ្ធ​​ ​​បាន​​រៀប​រាប់​ដូច្នេះ​៖«​ ពេល​ខ្ញុំ​ហ្វឹកហាត់​គុន​ខ្មែរ​ដំបូង​ជា​មួយ​លោក​ គ្រូ ញ៉ូវ ម៉ាក និង ​គ្រូ​ម៉ាក សាខន ​ខ្ញុំ​ឈឺ​ពេញ​ខ្លួន​ចំនួន​ ២ ​សប្ដាហ៍។​ ​នេះ​ជា​រឿង​លំបាក​ដំបូង​គេ។ ប៉ុន្តែ​បើ​​យើង​មិន​ខំ​ហាត់​ទៀត​ ឬ ​អត់​តស៊ូ​ ​ប្រហែល​ជា​​ខ្ញុំ​ឈប់​មាន​មុខ​លើ​សង្វៀន​បាត់​ទៅ​ហើយ។ អ្វី​ដែល​​លំបាក​ទៀត​ គឺ​ ហ្វឹកហាត់​ឡាំ​ជង្គង់​​ជា​មួយ​ប្រុសៗ ​ដែល​ឈឺ​សឹង​ទ្រាំ​លែង​បាន ហើយ​ពេល​​មុន​ឡើង​វ៉ៃ​ ​ខ្ញុំ​ត្រូវ​ហាត់​ឡាំ​ជង្គង់​​រហូត។​» យ៉ាង​ណា​ក្ដី ​កីឡា​ការិនី​វ័យ​ ២៤​ ឆ្នាំ​រូប​នេះ​នៅ​តែ​បន្ត​ក្រាញ​ននាល​ដើម្បី​ហ្វឹកហាត់​គុន​ខ្មែរ​ បន្ទាប់​ពី​សុំ​ម្ដាយ​ទម្រាំ​​​យល់​ព្រម​ឲ្យ​ទៅ​ហាត់​ក្បាច់​គុន​ឈឺ​សាច់​មួយ​នេះ។​ ក្រៅ​ពី​​ហាត់​គុន​ខ្មែរ​ជោកជាំ​​កីឡាការិនី​មាន​ស្រុក​កំណើត​​នៅ​ចំការ​ដូង​រាជធានី​ភ្នំពេញ​​ដដែល​នេះ​ត្អូញត្អែរ​​ថា​​ការ​ហាត់​ក្បាច់​គុន​ចម្រុះ​ ឬ ​MMA រឹត​តែ​លំបាក​ខ្លាំង​ណាស់​ជាង​ហ្វឹកហាត់​គុន​ខ្មែរ​ទៅ​ទៀត​ ពោល​មាន​ក្បាច់​ច្រើន​​ច្របាច់​បញ្ចូល​គ្នា។​ ប៉ុន្តែ​​​នេះ​ជា​រឿង​ចាំ​បាច់​ត្រូវ​តែ​ហ្វឹកហាត់​​ ​​មុន​ចេញ​ទៅ​ប្រកួត​​​លើ​សង្វៀន​កម្រិត​ពិភព​លោក​ One Championship។ ​​កូន​សិស្ស​លោក​ញ៉ូវ ម៉ាក​ សង្កត់​ធ្ងន់​យ៉ាង​បែប​​នេះ៖«ពេល​​ខ្ញុំ​ហាត់​ប្រដាល់​សេរី​ គឺ​ប្រើ​ដៃ​ ជើង​ជង្គង់​ ប៉ុន្តែ ​MMA មាន​ក្បាច់​ច្រើន​ណាស់ ដែល​​ធ្វើ​ឲ្យ​ខ្ញុំ​ស្មុគស្មាញ​ និង ​លំបាក​ជាង។ … Continue reading ​នៅ​ ​ស្រីពៅ ​រៀបរាប់​អំពី​ការ​​លំបាក​ពេល​ហាត់​គុន​ខ្មែរ​ គុន​ចម្រុះ និង​ ប្រដាល់​សកល