Kun Khmer Archives - Khmer Komlang

គ្រូបង្វឹក ហង្ស ស៊ឺន ៖«ឡៅ ចិត្រា មានភាគរយច្រើនឈ្នះខ្សែក្រវាត់ ហើយត្រៀមឲ្យល្អនៅស៊ីហ្គេម»

Posted on September 20, 2019 by SR in Cambodian Top Team, Khmer Articles, ONE Championship

ជើងខ្លាំង ឡៅ ចិត្រា មកពីក្លិបកងពលតូចឆត្រយោងពិសេស៩១១ មានភាគរយខ្ពស់ដើម្បីឈ្នះខ្សែក្រវាត់ ប្រដាល់អធិរាជគុនខ្មែរ ISI PALM របស់ PNNបន្ទាប់ពីផ្ដួល ឡុង ជិន ត្រឹម១នាទីប៉ុណ្ណោះនាដើមទឹកទី១ នៅវគ្គពាក់កណ្ដាលផ្ដាច់ព្រ័ត្រ កាលថ្ងៃអាទិត្យ ហើយ បន្ទាប់ពីភ្ជុំបិណ្ឌរួចរាល់ ឡៅ ចិត្រា ត្រូវបុកហ្វឹកហាត់ត្រៀមខ្សែក្រវាត់ផងវគ្គផ្ដាច់ព្រ័ត្រផង និង រៀបចំខ្លួនទៅព្រឹត្តិការណ៍ស៊ីហ្គេមចុងឆ្នាំនេះផង។ នេះជាការបង្ហើបឲ្យពីគ្រូបង្វឹក ហង្ស ស៊ឺន។ វគ្គផ្ដាច់ព្រ័ត្រខ្សែក្រវាត់ ប្រដាល់អធិរាជគុនខ្មែរ ISI PALM នឹងប្រកួតផ្ដាច់ព្រ័ត្រនៅថ្ងៃទី ១៣ តុលា ខាងមុខ ស្របពេល ឡៅ ចិត្រា កំពង់រង់ចាំអ្នកឈ្នះរវាង លន បញ្ញា និង សុខ សាវិនដែលត្រូវប្រកួតនាថ្ងៃទី ២២ ខែ កញ្ញា ចុងសប្ដាហ៍នេះ។ ប្រាក់រង្វាន់លេខ១ម្ចាស់ខ្សែក្រវាត់នេះ មានតម្លៃ ៤០ លានរៀល ស្មើនឹង ១ ម៉ឺនដុល្លារអាមេរិក។ គ្រូបង្វឹក … Continue reading គ្រូបង្វឹក ហង្ស ស៊ឺន ៖«ឡៅ ចិត្រា មានភាគរយច្រើនឈ្នះខ្សែក្រវាត់ ហើយត្រៀមឲ្យល្អនៅស៊ីហ្គេម» →

ឡុង សុភី បង្ហើបរឿងសោកស្ដាយថាគួរប្រកួត Kickboxing នៅសង្វៀន ONE Championship

Posted on September 8, 2019 by SR in Cambodian Top Team, Khmer Articles, ONE Championship

ជើងខ្លាំង ឡុង សុភី ដែលកំពុងត្រៀមខ្លួនយ៉ាងល្អក្នុងរយះពេលជាង ២ សប្ដាហ៍មកនេះដើម្បីប៉ះ រឿង សោភ័ណ្ឌ នៅវគ្គផ្ដាច់ព្រ័ត្រ ខ្សែក្រវាត់គោជល់ទម្ងន់ ៦៩គីឡូក្រាមដោយមានប្រាក់រង្វាន់ ៤០០០ដុល្លារអាមេរិក។ ការប្រកួតនឹងធ្វើឡើងនៅថ្ងៃទី ១៤ ខែ កញ្ញា ឆ្នាំ ២០១៩ ខាង ដែលផ្សាយផ្ទាល់តាមរយៈកញ្ចក់ទូរទស្សន៍ CNC។ សុភី បញ្ជាក់ថា៖« សម្រាប់ខ្ញុំសង្ឃឹមត្រឹម ៥០% ប៉ុណោះ ប៉ុន្តែរឿងជាក់ស្ដែង គឺឡើងលើសង្វៀនទើបដឹង។ យើងអាចមើលស្ថានការណ៍ និងចិត្តសាស្ត្រគូប្រកួត រឿង សោភ័ណ្ឌ សិន និងត្រូវបត់បែនតាមស្ថានការណ៍»។ យ៉ាងណាក្ដី ឡុង សុភី បានបង្ហើបរឿងសោកស្ដាយមួយកាលទៅប្រកួតសង្វៀន ONE: CHAMPIONS AND WORRORS នាឆ្នាំ ២០១៣ យ៉ាងដូច្នេះ៖«តាមពិតខ្ញុំគួរតែប្រកួតក្នុងកម្មវិធី Kickboxing ដែលស្រដៀងគុនខ្មែរដែរ ប៉ុន្តែ គេបិទកែង។ កាលនោះហ្វឹកហាត់ត្រៀមប្រកួត MMAបានតិចណាស់ ខ្ញុំស្ដាយក៏ស្ដាយ … Continue reading ឡុង សុភី បង្ហើបរឿងសោកស្ដាយថាគួរប្រកួត Kickboxing នៅសង្វៀន ONE Championship →

ទោះក្លិប្រដាល់មិនមានសម្ភារទំនើប ប៉ុន្តែគ្រូបង្វឹក ជា រិទ្ធ និង កូនសិស្សសុទ្ធតែមានមហិច្ឆតាដើម្បីអភិវឌ្ឍខ្លួន

Posted on September 4, 2019 by SR in Khmer Articles

លោក ជា រិទ្ធ ជាគ្រូបង្វឹកនិងជាម្ចាស់ ក្លិបគុហារព្រហ្មជ័យខេត្តសៀមរាបបានបង្ហើបថា ដ្បិតក្លិបមិនសម្ភារទំនើបដូចក្លិបប្រដាល់មួយចំនួន ប៉ុន្តែ លោកនិងកូនសិស្សមានមហិច្ឆតាដើម្បីធ្វើឲ្យមានភាពរីកចម្រើន និង ធ្វើការដោយក្ដីស្រលាញ់លើវិស័យក្បាច់គុនខ្មែរ។ លោក ជា រិទ្ធ បានបញ្ជាក់ថា៖«ខ្ញុំនិងកូនសិស្សសុទ្ធតែបង្ហាញក្ដីស្រលាញ់រហូតដល់ខ្ញុំឈប់បង្រៀនសិស្សនៅសាលាដើម្បីបង្ហាត់សិស្សប្រដាល់។ ហើយកូនសិស្សខ្ញុំមា្នក់ៗក៏ខិតខំខ្លាំងក្លាដែរក្នុងដំណើររួមគ្នា។ ខ្ញុំមិនបោះបង់ងាយៗទេហើយចង់ពង្រីកក្លិបតទៅទៀតបើមានលទ្ធភាព។ បច្ចុប្បន្ន ខ្ញុំមានកូនសិស្ស ៨ នាក់ ហើយអ្នកដែលសកម្មជាងគេនិងឡើងសង្វៀនញឹកដូចជា គង់ សំបូរ, ឫទ្ធ សាស្ត្រវុធ, រឿន ឈី, ល័ក្ខ លាត និង រិទ្ធ វជិរៈ ជាដើម»។ គ្រូបង្វឹកដែលដឹកនាំគង់ សំបូរ ទៅប្រកួតនៅសង្វៀន ONE Championship កាលខែ កុម្ភៈ បានបន្តទៀតថា បច្ចុប្បន្នក្លិបមានតែបាវសាក់មួយ, ស៊ីបដៃមួយគូ, ហ្គង់ពីរបីគូ, ស៊ីបជើងមួយ តាពី និង ពិបាកពេលឡាំគ្នាដោយអត់មានសង្វៀនត្រឹមត្រូវ ហើយ ក៏អត់មានស្មងជើងពាក់ទាត់ដែរ។ បញ្ហានេះធ្វើឲ្យចាញ់ប្រៀបកីឡាករគូប្រជែងរបស់ក្លិបមួយចំនួនដែលមានសម្ភារហ្វឹកហាត់គ្រប់គ្រាន់។ យ៉ាងណាក្ដី កូនសិស្សរបស់លោក ខំក្រាញននៀល និង … Continue reading ទោះក្លិប្រដាល់មិនមានសម្ភារទំនើប ប៉ុន្តែគ្រូបង្វឹក ជា រិទ្ធ និង កូនសិស្សសុទ្ធតែមានមហិច្ឆតាដើម្បីអភិវឌ្ឍខ្លួន →

គង់ សំបូរ និង នៅ ស្រីពៅ បញ្ចេញទស្សនៈពេលឡើងសង្វៀនប្រដាល់គុនខ្មែរឯកភ្នំដែលប្រកួត ៣ទឹកដូចសង្វៀន ONE

Posted on July 12, 2019 by SR in Ek Phnom Kun Khmer Arena, Khmer Articles

«សង្វៀនប្រដាល់គុនខ្មែរឯកភ្នំ» ឬ « Ek Phnom Kun Khmer Arena» កំពុងទទួលបានការចាប់អារម្មណ៍យ៉ាងខ្លាំងក្រោយដំណើរការប្រកួតប្រមាណជា ៥ ខែមកនេះ។ សង្វៀនថ្មីនេះបានផ្លាស់ប្ដូរក្បួនច្បាប់ ឬ គោលការណ៍មួយចំនួនឲ្យដូចទៅសង្វៀនកម្រិតអន្តរជាតិ ONE Championship កាលចុងខែ មិថុនា និង អញ្ជើញកីឡាករល្បីៗទៅប្រកួតជាញឹកញាប់រៀងរាល់ សប្ដាហ៍។ នៅល្ងាចថ្ងៃអាទិត្យទី ១៤ កក្កដា ខាងមុខនេះ ជើងខ្លាំងលំដាប់ប្រទេសពីររូប ពោល គង់ សំបូរ និង នៅ ស្រីពៅ នឹងមានវត្តមានប៉ះគូប្រកួតរៀងៗខ្លួននៅសង្វៀននាខេត្តបាត់ដំបងខាងលើ។ ជើងខ្លាំង គង់ សំបូរ មកពីក្លិបប្រដាល់គុហារព្រហ្មជ័យខេត្តសៀមរាបត្រូវតតាំងនឹង កីឡាករសញ្ជាតិអេហ្ស៊ីប Ahmed Gamal Mohamed ក្នុងប្រភេទទម្ងន់ ៦៣,៥ គីឡូក្រាម ខណៈដែល នៅ ស្រីពៅ ជួបកីឡាការិនីថៃ Malia ក្នុងប្រភេទទម្ងន់ ៥៤ គីឡូក្រាម។ មុនឡើងសង្វៀនក្នុងលំដាប់គូឯកនេះ គង់ … Continue reading គង់ សំបូរ និង នៅ ស្រីពៅ បញ្ចេញទស្សនៈពេលឡើងសង្វៀនប្រដាល់គុនខ្មែរឯកភ្នំដែលប្រកួត ៣ទឹកដូចសង្វៀន ONE →

Samontha ដែលជាក្មួយ កែវ រំចង់ មានក្ដីស្រមៃធំចង់នាំពូទៅប្រកួតនៅអាមេរិក

Posted on June 29, 2019June 29, 2019 by SR in Khmer Articles

កីឡាការិនីខ្មែរអាមេរិក Samontha Stephenson បង្ហាញចំណាប់អារម្មណ៍ចង់នាំពូរបស់ខ្លួនដែលជាអ្នកប្រដាល់ល្បីក្នុងប្រទេសកម្ពុជា កែវ រំចង់ ទៅហ្វឹកហាត់និងប្រកួតលើទឹកដីសហរដ្ឋអាមេរិក។ កាលពីឆ្នាំមុន Samontha បានធ្វើដំណើរពីសហរដ្ឋអាមេរិកមកលេងប្រទេសកម្ពុជាជាមួយឪពុក។ ក្នុងនោះនាងបានមកជួបពូរបស់ខ្លួន កែវ រំចង់ និងកីឡាករល្បីមួយចំនួនរបស់កម្ពុជាដូចជា ឡុង សុភីនិងសេន ប៊ុនថេនជាដើម។ យ៉ាងណាមិញ កាលពីម្សិលមិញ Samontha បានសរសេរចំនួនដ៏វែងអន្លាយមួយលើបណ្ដាញសង្គមហ្វេស៊ុក បង្កប់អត្ថន័យចង់ជួយកែង រំចង់។ Samontha បានបញ្ចេញអារម្មណ៍របស់ខ្លួនថា ពូរបស់ខ្លួនកែវ រំចង់ ជាហេតុផលធ្វើឲ្យនាងចាប់ផ្ដើមហាត់និងវាយប្រដាល់។ ពេលនៅក្មេងនាងតែងតែសិក្សាពីការប្រកួតរបស់រំចង់ តាមរយៈ Youtube និងធ្វើតាម។ "ក្ដីស្រមៃធំរបស់ខ្ញុំគឺចង់រកវិធីនាំពូរបស់ខ្ញុំមកអាមេរិកដើម្បីហ្វឹកហាត់និងប្រកួត។ ឪពុករបស់ខ្ញុំបានព្យាយាមចង់នាំគាត់មកទីនេះ និងកំពុងព្យាយាមធ្វើអ្វីដែលគាត់អាចធ្វើបាន ប៉ុន្តែមិនដឹងពីជំហាននោះទេ។ វាពិតជាពិបាកក្នុងការមកអាមេរិក ប្រសសិនជាអ្នករស់នៅប្រទេសកម្ពុជា"៕

សំ ថារ័ត្ន បង្ហើបអំពីគម្រោងវិលមកសង្វៀនសាជាថ្មី

Posted on June 26, 2019 by SR in Khmer Articles

កីឡាការិនីជំនាញក្បាច់គុនល្បុក្កតោ សំ ថារ័ត្ន ដែលមានសរហស្សនាម «Little Frog» បានបង្ហើបអំពីការតាំងចិត្តត្រឡប់មកកាន់សង្វៀនប្រកួតសាជាថ្មី បន្ទាប់ពីការខកខានតាំងពីចុងឆ្នាំ ២០១៧ មក។ ការសម្រាកឡើងរេញប្រកួតក្រោយពីការទទួលជ័យជម្នះលើ កីឡាការិនីថៃពីររូប Surarak Kamla នាខែកក្កដា ឆ្នាំ ២០១៧ និង Kaewjai Prachumwong កាលខែ វិច្ឆិកា ឆ្នាំ ដដែល លើសង្វៀន Full Metal Dojo ដូចគ្នានាក្រុងបាងកកប្រទេសថៃ។ កីឡាការិនីដែលជាតួសម្ដែងក្នុងរឿង «មុនដំបូងខ្មែរក្រហមសម្លាប់ប៉ារបស់ខ្ញុំ» របស់ផលិតករល្បីឈ្មោះ Angelina Jolie រូបនេះបញ្ជាក់ថា៖«ខ្ញុំប្រឹងប្រែងហ្វឹកហាត់រាល់ថ្ងៃតាំងពេលត្រឡប់ពីអាមេរិក ក្នុងការផ្សព្វផ្សាយក្បាច់គុនល្បុក្កតោ នាដើមខែ មិថុនា នេះ។ គោលដៅរបស់ខ្ញុំគឺ ហាត់ត្រៀមៗក្នុងករណីខ្ញុំឡើងសង្វៀននាពេលខាងមុខ។ ខ្ញុំហាត់យ៉ាងតិច ៣ ម៉ោងជាប្រចាំក្នុងមួយថ្ងៃនៅក្លិប Prodal ម្ដុំទួលគោក និង H/Art Academy Jiu Jitsu នៅម្ដុំទួលស្វាយព្រៃ ដែលផ្ដោតលើជំនាញបោក កាច់ឃ្លេរ និង … Continue reading សំ ថារ័ត្ន បង្ហើបអំពីគម្រោងវិលមកសង្វៀនសាជាថ្មី →

ចាន់ រតនា៖«បើនារីៗខ្មែរចង់ហាត់ក្បាច់គុន ឬ គុនចម្រុះ ខ្ញុំអាចជួយសម្រួល ឬ មិនយកតម្លៃពីការហ្វឹកហាត់បើអត់មានលទ្ធភាព»

Posted on June 19, 2019 by SR in Chan Rothana, Khmer Articles, MMA Cambodia, ONE Championship

«នារីខ្មែរយើងភាគច្រើនអត់ដូចបរទេសទេ។ យើងប្រកាន់ខ្ជាប់ប្រពៃណី ហើយទី១ខ្លួនគេមិនចង់ហាត់ក្បាច់គុន និងទី២ ឪពុកម្ចាស់ឬ អាណាព្យាបាលរបស់ពួកគាត់មិនឲ្យហាត់ក្បាច់គុននោះឡើយ។ រឿងហាត់ដើម្បីសុខភាពក៏តិច ហើយ បើហាត់ដើម្បីចង់ឡើងប្រកួតលើសង្វៀនទៀតក៏រឹតតែតិច។ បើសិនបងប្អូននារីៗចង់ហ្វឹកហាត់ខ្ញុំផ្ដល់ជូនពិសេស ហើយ បើអត់លទ្ធភាពទេ ខ្ញុំនឹងជួយបង្ហាត់អត់គិតថ្លៃទៀត បើសិនជាហាត់មានបំណងចង់ឡើងប្រកួតពិតប្រាកដ»។ នេះជាការថ្លែងរបស់ ចាន់ រតនា ជាគ្រូបង្វឹក និងជាម្ចាស់ក្លិបប្រដាល់ «សិល្បៈ»។ ការថ្លែងបែបនេះដោយសារកីឡាការិនីគុនខ្មែរនៅមានចំនួនតិចណាស់បើធៀបទៅនឹងប្រទេសនានា និង តំបន់អឺរ៉ុប។ រាល់ថ្ងៃបើក្រឡេកមើលកីឡាការិនីដែលមានឈ្មោះលេចធ្លោរាល់ថ្ងៃនេះមានមិនច្រើននោះឡើយ ដូចជា នៅ ស្រីពៅ, វី ស្រីខួច, អេ ព្រីយ៉ានុត, និង សំ ថារ័ត្ន។ ការដែលមានកីឡាការិនីតិចបែបនេះ ទើបធ្វើឲ្យមានភាពខ្សត់ខ្សោយឡើងសង្វៀនប្រកួត ហើយ ស្រីខួច ក៏បានត្អូញត្អែរដែរថា ទោះខ្លួនហ្វឹកហាត់ត្រៀមស៊ីហ្គេមប៉ុន្តែ កម្រមានសង្វៀនឡើងប្រកួតណាស់ និង បានត្រឹមតែហាត់ឡាំជាមួយប្រុសៗ ប៉ុណ្ណោះ។ ចាន់ រតនា គូសបញ្ជាក់ ៖«ក្លិបរបស់ខ្ញុំរាល់ថ្ងៃ មាននារីៗបទេសហ្វឹកហាត់ច្រើនជាងបុរសផង។ អ្នកខ្លះហាត់ដើម្បីសុខភាព ហើយមួយចំនួនទៀតហាត់ចង់ឡើងវ៉ៃណាស់។ ខ្ញុំគិតថា នារីបរទេស គាត់មានសេរីភាពជាងនារីខ្មែរដែលអាចមកពីប្រពៃណីកំហិត … Continue reading ចាន់ រតនា៖«បើនារីៗខ្មែរចង់ហាត់ក្បាច់គុន ឬ គុនចម្រុះ ខ្ញុំអាចជួយសម្រួល ឬ មិនយកតម្លៃពីការហ្វឹកហាត់បើអត់មានលទ្ធភាព» →

សង្វៀនប្រដាល់គុនខ្មែរឯកភ្នំផ្លាស់ប្ដូរគោលការណ៍មួយចំនួនដូចសង្វៀន ONE

Posted on June 19, 2019 by SR in Ek Phnom Kun Khmer Arena, Khmer Articles, ONE Championship

«សង្វៀនប្រដាល់គុនខ្មែរឯកភ្នំ» ឬ ហៅថា « Ek Phnom Kun Khmer Arena» បានផ្លាស់ប្ដូរក្បួនច្បាប់ ឬ គោលការណ៍មួយចំនួនឲ្យដូចទៅសង្វៀនកម្រិតអន្តរជាតិ ONE Championship ដែលផ្លាស់ពី ៥ ទឹកមកប្រកួតត្រឹម ៣ទឹកចាប់ពីថ្ងៃទី ៣០ ខែ មិថុនា ខាងមុខតទៅ។ នេះជាការបង្ហើបឲ្យដឹង របស់លោក Matias Andrés អ្នកគ្រប់គ្រងទូទៅនៅសង្វៀនខាងលើបន្ទាប់ពីដំណើរការប្រកួតលក្ខណៈជាតិ និងអន្តរជាតិអស់រយៈពេលជាង ៤ ខែមកនេះ។ លោក Matias Andrés បានបញ្ជាក់អំពីការផ្លាស់ប្ដូរពី ការប្រកួត៥ទឹកមកប្រកួត៣ទឹកយ៉ាងដូច្នេះ ៖«សង្វៀន Ek Phnom Kun Khmer Arena ចង់ឃើញគុនខ្មែររីកចម្រើនទាំងនៅក្នុងស្រុក និងឆាកអន្តរជាតិ។ ដើម្បីឈានទៅកម្រិតអន្តរជាតិ គុនខ្មែរត្រូវតែសម្រប និងបង្ហាញអនុភាពនៃក្បាច់វ័យចំណាស់មួយនេះ។ បើសិនយើងមិនសម្របតាមស្ដង់ដារអន្តរជាតិ នោះកីឡាកររបស់យើងមិនអាចរៀបចំខ្លួនបានល្អក្នុងកម្មវិធី ONE នោះទេ ព្រោះកម្រិតរបស់យើងនៅក្រោយគេឆ្ងាយ»។ អ្នកគ្រប់គ្រងទូទៅរូបនេះបានរៀបរាប់ថាលោកបានអញ្ជើញមន្ត្រីមកពីសហព័ន្ធកីឡាប្រដាល់គុនខ្មែរដើម្បីពិភាក្សាអំពីការប្ដូរគោលការណ៍នេះ និង បានចែករំលែកអំពីបទពិសោធន៍ជាច្រើនពីគ្នាទៅវិញទៅមកកាលថ្ងៃទី ១ … Continue reading សង្វៀនប្រដាល់គុនខ្មែរឯកភ្នំផ្លាស់ប្ដូរគោលការណ៍មួយចំនួនដូចសង្វៀន ONE →

តើមានផលចំណេញអ្វីខ្លះ ក្រោយអតីតជើងឯកកម្រិតពិភពលោក Albert Veera Chey ចុះឈ្មោះជាមួយសហព័ន្ធកីឡាយុទ្ធគុនចម្រុះកម្ពុជា?

Posted on June 16, 2019 by SR in Khmer Articles

កូនខ្មែរនៅបារាំង Albert Veera CHEY វ័យ ៣៦ ឆ្នាំជាអតីតកីឡាករប្រដាល់ធ្លាប់គ្រងខ្សែក្រវាត់កម្រិតពិភពលោកបានចុះឈ្មោះជាមួយសហព័ន្ធកីឡាយុទ្ធគុនចម្រុះកម្ពុជា (CMMAF) ជាផ្លូវការនាពេលថ្មីៗនេះ។ ម្ចាស់ខ្សែក្រវាត់ Europe Championship, France Champion Professional, World Champion Amateur និងធ្លាប់ឈ្នះខ្សែក្រវាត់នៅប្រទេសថៃទម្ងន់ ៥៧ គីឡូក្រាមនោះបានបើកក្លិបប្រដាល់ផ្ទាល់ខ្លួននៅប្រទេសបារាំង ឈ្មោះ Veera Boxing Gym ឬ The Temple Bordeaux បន្ទាប់ពីការផ្អាកឡើងសង្វៀនប្រដាល់។ ប៉ុន្តែការចុះឈ្មោះស្ថិតក្រោម CMMAF នេះបានបើកផ្លូវឲ្យរូបគេអាចប្រកួតតំណាងឲ្យកម្ពុជា និង លើកទង់ជាតិកម្ពុជាម្ដង។ បច្ចុប្បន្ននេះ រូបគេមិនត្រឹមតែជាគ្រូបង្វឹកគុនខ្មែរនៅបារាំង ប៉ុន្តែ ក៏ហាត់ក្បាច់គុនចម្រុះផងដែរ ក្នុងករណីដែលអាចឡើងប្រកួតនៅថ្ងៃខាងមុខ។ ក្រោយមានឈ្មោះជាផ្លូវការស្ថិតក្រោម CMMAF លោក កែ ប៊ិនសូរស្មី អនុប្រធានសហព័ន្ធកីឡាយុទ្ធគុនចម្រុះកម្ពុជាបានសាទរចំពោះកីឡាករល្បីឈ្មោះមួយនេះដោយលើកឡើងថា ៖«វាជារឿងគួរឲ្យភ្ញាក់ផ្អើលមួយ ព្រោះថា Albert Chey ជាកីឡាករមានឈ្មោះបោះសំឡេង ក្នុងពិភព មួយថៃ និង … Continue reading តើមានផលចំណេញអ្វីខ្លះ ក្រោយអតីតជើងឯកកម្រិតពិភពលោក Albert Veera Chey ចុះឈ្មោះជាមួយសហព័ន្ធកីឡាយុទ្ធគុនចម្រុះកម្ពុជា? →

ម្ចាស់ខ្សែក្រវាត់៣ ផល សោភ័ណ្ឌ បង្ហើបបំណងទៅប្រកួតនៅសង្វៀន ONE នាថ្ងៃណាមួយ

Posted on June 3, 2019 by SR in Khmer Articles, ONE Championship

ម្ចាស់ខ្សែក្រវាត់៣ និង ជាម្ចាស់មេដាយមាសថ្នាក់ជាតិច្រើនដងទាំងប្រដាល់សេរី និងសកល ផល សោភ័ណ្ឌ បង្ហើបអំពីបំណងទៅប្រកួតសង្វៀនកម្រិតពិភពលោក ONE Championship នៅថ្ងៃណាមួយ។ ការបង្ហាញជំហរបែបនេះព្រោះចង់សាកល្បងសមត្ថភាព ចង់ដឹងបច្ចេកទេសថ្មីៗ និង ចង់យកពិសោធន៍បន្ថែមទៀតអំពីការរៀបចំកម្រិតពិភពលោកនិងអន្តរជាតិ បន្ទាប់ពីប្រឡូកនៅសង្វៀនក្នុងស្រុកតាំងពីប្រភេទទម្ងន់ ៣០ គីឡូក្រាមមកម៉្លេះ។ ម្ចាស់ខ្សែក្រវាត់ខារ៉ាបាវពីរឆ្នាំជាប់គ្នាបានថ្លែងយ៉ាងដូច្នេះ៖ «ខ្ញុំចង់បង្ហាញសមត្ថភាពនៅសង្វៀន ONE នាថ្ងៃណាមួយទោះលទ្ធផលយ៉ាងណា ខ្ញុំនឹងប្រឹងឲ្យអស់អំពីសមត្ថភាពបើសិនជាគេផ្ដល់ឱកាសឲ្យ។ ពេលកីឡាករខ្មែរយើងចេញទៅប្រកួត ខ្ញុំតែងតែតាមដានមិនបង ចាន់ រតនា, កាកា និង ឡៅ ចិត្រា នាពេលកន្លងមកទេ។ពេលខ្ញុំបានតាមដាន ខ្ញុំឃើញនៅសង្វៀន ONE កីឡាករគូប្រជែងនឹងកីឡាករខ្មែរ គេជំហររឹងៗ ហើយរហ័សៗ ណាស់ដូច Rodtang និង Superlek Kiatmoo9 ជាដើម។ កីឡាករថៃទាំងពីរនេះរហ័សរហួនលើបម្លាស់ទី និង ការវ៉ៃចេញរបស់គេក៏ល្អដែររួមទាំងការទាត់ផង»។ ដ្បិតមើលឃើញគូប្រកួតរបស់ខ្មែរកន្លងមកខ្លាំងៗ កីឡាករមកពីក្លិបតាឡីដំរីមានរិទ្ធិរូបនេះរៀបរាប់ទៀតថា ពេលខ្លះត្រូវស្វែងរកអ្វីដែលជាបទពិសោធន៍ថ្មី និង រៀនយល់ដឹងអំពីការរៀបចំនៅមជ្ឈដ្ឋានអន្តរជាតិ ហើយ វាក៏ជាការវាស់ស្ទង់មួយដែរដើម្បីយកមកអភិវឌ្ឍខ្លួន។ កីឡាករដែលហាត់ប្រដាល់តាំងពីអាយុ ១៣ ឆ្នាំបានខំប្រឹងប្រែងហ្វឹកហាត់ជាប្រចាំព្រោះទីផ្សារប្រកួតនៅក្នុងស្រុកក៏ច្រើនដែរ … Continue reading ម្ចាស់ខ្សែក្រវាត់៣ ផល សោភ័ណ្ឌ បង្ហើបបំណងទៅប្រកួតនៅសង្វៀន ONE នាថ្ងៃណាមួយ →