គ្រូ​បង្វឹក​ ហ៊ុន ច័ន្ទរាជ្យ​ ​​ដាក់​គោល​ការណ៍​បណ្ដុះ​​កីឡាករ​វ័យ​ក្មេង​ជំនាន់​ក្រោយ​ៗ

លោក​ ហ៊ុន ច័ន្ទរាជ្យ ​​​​គ្រូ​បង្វឹក​​​​ក្លិប​ Cambodian Top Team ​ បាន​ដាក់​គោល​ការណ៍​ទទួល​កីឡាករ​វ័យ​ក្មេង​ជំនាន់​ក្រោយ​ដើម្បី​ស្នង​តំណែង​គុន​ខ្មែរ ​ឬ ​គុន​ចម្រុះ​ក្នុង​គោល​ដៅ​​​ទៅ​ប្រកួត​លើក​ឆាក​អន្តរជាតិ​ឲ្យ​កាន់​តែ​មាន​លទ្ធផល​ល្អ​ប្រសើរ។ ​​ម្ចាស់​ក្លិប​ Cambodian Top Team ​បាន​​​ថ្លែង​ថា៖«​បាទ​​បង​... យើង​ហាត់​សុខភាព​ផង​ ប៉ុន្តែ មិន​ភ្លេច​​ចំពោះ​​កូន​សិស្ស​អាជីព​​នោះ​ទេ។ ​កូន​សិស្ស​អាជីព​ខ្ញុំ​​ទទួល​ហាក់​​រើស​បន្តិច​​ មិន​មែន​ចេះ​តែ​យក​ៗ​​ទេ។​ បច្ចុប្បន្ន​ ​ខ្ញុំ​មាន​កីឡាករ​វ័យ​ក្មេង​ ៣ ​នាក់​ដែល​​មើល​ទៅ​មាន​​ទេព​កោសល្យ​​ល្អ។ ​ឥឡូវ​នេះ​​មាន​កូន​សិស្ស​ក្មេង​​ មត្ស្យ ច័ន្ទរាជ្យ​ ​ទើប​អាយុ​ ១០​ ឆ្នាំ​ ប៉ុន្តែ​​ឡើង​ប្រកួត​បាន​ចំនួន ៤ ដង​ ឈ្នះ ២ ​និង ចាញ់​ ២​ដង។ ​គេ​មាន​វ៉ៃ​មាន​ក្បាច់​​ល្អ​ និង ទេព​កោសល្យ​ល្អ»។ ការ​ដាក់​គោល​ដៅ​​រើស​កីឡាករ​ក្មេង​ៗ​នេះ ​​ដើម្បី​បន្ថែម​ពី​​លើ​កូន​សិស្ស​ដែល​មាន​ស្រាប់​ ដូច​​ជា​ រិន សារ័ត្ន​, អរុណា ច័ន្ទរាជ្យ, ឡុង ឡា, ​ស៊ឹម ប៊ុនស្រ៊ន់, មាស ម៉ើ, … Continue reading គ្រូ​បង្វឹក​ ហ៊ុន ច័ន្ទរាជ្យ​ ​​ដាក់​គោល​ការណ៍​បណ្ដុះ​​កីឡាករ​វ័យ​ក្មេង​ជំនាន់​ក្រោយ​ៗ

ស សី ថ្លែងសារអំពីការជួយរបស់គ្រូបង្វឹក ហ៊ុន ច័ន្ទរាជ្យ តាំងពីដើមរហូតដល់បច្ចុប្បន្ន

កីឡាករគុនខ្មែរ និង គុនចម្រុះជើងចាស់ ស សី បានសរសើរដល់ទឹកចិត្តរបស់គ្រូបង្វឹក ហ៊ុន ច័ន្ទរាជ្យ ប្រធានក្លិប Cambodian Top Team ដែលខំព្យាយាមជួយខ្លួនកន្លងមករហូតដល់បច្ចុប្បន្ននេះ។ បុរសវ័យ ៣៧ ឆ្នាំដែលល្បីឈ្មោះខាងគុនខ្មែរដល់គុនចម្រុះជាពិសេសបង្ហាញខ្លួនលើសង្វៀន ONE CHAMPIONSHIP នោះបានឃ្លាតឆ្ងាយពីសង្វៀនទៅហើយដោយផ្អែកលើហេតុផលវ័យកាន់តែចាស់ ស្របពេលម្ដាយព្រមទាំងប្រពន្ធផងបានហាមឃាត់រឿងឡើងសង្វៀន។ យ៉ាងណាក៏ដោយអតីតកូនសិស្សលោក អេ ភូថង បានថ្លែងអំណរគុណ យ៉ាងដូច្នេះ ៖«បើសិនខ្ញុំនៅហ្វឹកហាត់ខ្លាំងដូចមុន ខ្ញុំតែងតែទទួលបានការចាប់គូឡើងប្រកួតជាពិសេស សង្វៀន ONE និង ទទួលបានប្រាក់កម្រៃគួរសម។ ប៉ុន្តែ ឥឡូវ ខ្ញុំពិបាកធ្វើដូចមុន ព្រោះមិនអាចឃ្លាតឆ្ងាយពីគ្រួសារ និង កូនតូចៗ។ ខ្ញុំសូមអរគុណដល់ គ្រូ ហ៊ុន ច័ន្ទរាជ្យ ដែលជួយជ្រោមជ្រែងទាំងការចាប់គូ និង ការបង្វឹកកន្លងមក»។ ក្រៅពីការដឹងគុណអតីតកូនសិស្សនៅក្លិបក្រសួងការពារជាតិ បានទទូចឲ្យកីឡាករជំនាន់ក្រោមកុំបោះបង់ក្ដីស្រមៃទៅប្រកួតនៅបរទេសចោលឲ្យសោះ ព្រោះឱកាសល្អនៅមានបន្តបន្ទាប់ទៀតឲ្យតែខំប្រឹងប្រែងពិតប្រាកដ។ បុរសដដែលសង្កត់ធ្ងន់ថា៖«ពេលយើងហ្វឹកហាត់ឲ្យខ្លាំង គ្រូបង្វឹកនឹងចាប់គូឲ្យវ៉ៃមិនខាន។ ពេលយើងខ្លាំង មិនខ្វះសង្វៀនប្រកួតទេ បើមិនប្រកួតនៅក្រៅប្រទេសក៏សង្វៀនក្នុងស្រុកមានច្រើនដែរ»។ ស សី បានប្រៀបធៀបតម្លៃខ្លួនពីមុនមានកម្រិតទាបជាងឥឡូវច្រើនណាស់។ … Continue reading ស សី ថ្លែងសារអំពីការជួយរបស់គ្រូបង្វឹក ហ៊ុន ច័ន្ទរាជ្យ តាំងពីដើមរហូតដល់បច្ចុប្បន្ន

CTT ​សហការ​ជា​មួយ​អង្គការ​ Tiny Toones ​ដើម្បី​រៃ​អង្គាស​ថវិកា​​ឧបត្ថម្ភ​​កូន​សិស្ស​ក្រីក្រ​ និង ​ផ្សារ​ភ្ជាប់​ MMA

ក្លិប​ប្រដាល់​ Cambodian Top Team ឬ CTT ​​បាន​ចូល​រួម​សហការ​ជា​មួយ​នឹង​អង្គការ​ Tiny​ Toones​ ដើម្បី​បង្កើត​កម្មវិធី​​​វិធី​សប្បុរសធម៌​មួយ​​​​​រៃ​អង្គាស​ថវិកា​​​ជួយ​ដល់​កុមារ​ក្រីក្រ​ដែល​មាន​ជីវភាព​ខ្វះខាត​ក្នុង​ការ​សិក្សា​​ឲ្យ​​ទទួល​បាន​ឱកាស​សិក្សា​ដូច​កុមារ​ផ្សេងៗ​ទៀត ​និង​ ​ជា​​ការ​ផ្សព្វផ្សាយ​ក្បាច់​គុន​ចម្រុះ​ដល់​ក្មេងៗ​ជំនាន់​ក្រោយ។ ​កម្មវិធី​នេះ​​​បាន​រៀប​ចំ​ឡើង​​​នៅ​ថ្ងៃ​ទី​ ​១២​ ខែ​ មិថុនា​ ឆ្នាំ ​២០១៩​​ ​ថ្មីៗ​នេះ​នៅ​ក្លិប​ Cambodian Top​ Team ​មាន​​អាសយដ្ឋាន​ផ្ទះ​លេខ​ #2s ផ្លូវ​លេខ​ ​៤៦៨​ សង្កាត់​​ទួល​ទំពូង​១ ​ខណ្ឌ​​ ចំការ​មាន​រាជធានី​ភ្នំពេញ។ គ្រូ​បង្វឹក​​ ​ហ៊ុន ច័ន្ទរាជ្យ ​បាន​ថ្លែង​​បែប​នេះ៖«​នេះ​ជា​ការ​រួម​ចំណែក​មួយ​សម្រាប់​ក្មេងៗ​ក្រីក្រ​នៅ​អង្គការ​ Tiny Toones ​ហើយ មួយ​​វិញ​ទៀត​វា​ជា​ការ​ផ្សព្វផ្សាយ​មួយ​អំពី​ក្បាច់​គុន MMA ផង​ដែរ ​ព្រោះ​ក្មេងៗ​ទាំង​​​​បាន​មក​ហ្វឹកហាត់​ក្បាច់​គុន​ចម្រុះ​ជា​មួយ​ពួក​យើង​ច្រើន​ដង​នា​ពេល​កន្លង​មក។​ ការ​​រៀប​ចំ​កម្មវិធី​រៃអង្គាស​នេះ​មិន​មែន​ត្រឹម​​ម្ដង​​នេះ​ យើង​បាន​ធ្វើ​​ច្រើន​ដង​កន្លង​មក​ហើយ និង​បន្ត​ធ្វើ​វា​ទៀត​ក្នុង​បុព្វហេតុ​ជួយ​កុមារ​ក្រខ្សត្រ»។ ​កម្មវិធី​រៃ​អង្គាស​ថវិកា​ដែល​ចាប់​ផ្ដើម​ពី​ ម៉ោង​ ​៣ ​រសៀល​ដល់​ម៉ោង​​ ១០ យប់​ថ្ងៃ​កាល​ថ្ងៃ​ទី ១២ ​មិថុនា នោះ​មាន​កម្មវិធី​ជា​ច្រើន​ដូច​ជា​ការ​​សម្ដែង​សិល្បៈ​ពី​ប្អូន​កុមារ​​ ការ​ប្រលង​​ចម្រៀង​រ៉េប​បែប​ Free Style … Continue reading CTT ​សហការ​ជា​មួយ​អង្គការ​ Tiny Toones ​ដើម្បី​រៃ​អង្គាស​ថវិកា​​ឧបត្ថម្ភ​​កូន​សិស្ស​ក្រីក្រ​ និង ​ផ្សារ​ភ្ជាប់​ MMA

តម្លៃ​សម្ភារ​​ប្រើ​ប្រាស់​ហ្វឹកហាត់​នៅ​​​ក្លិប​ប្រដាល់​ Cambodian Top Team ​​ខ្ទង់​ ២ ម៉ឺន​ដុល្លារ

​​​ក្លិប​ប្រដាល់​ Cambodian Top Team (CTT) ​កំពុង​ទទួល​ការ​ចាប់​អារម្មណ៍​យ៉ាង​ច្រើន​ពី​សំណាក់​មហាជន​ និង​ បណ្ដុះ​បាន​កីឡាករ​​​គុន​ចម្រុះ​ល្អៗ​​ទៅ​ប្រកួត​គុន​ចម្រុះ​នៅ​​​សង្វៀន​កម្រិត​ពិភព​លោក ONE Championship ដូច រិន សារ័ត្ន, សឹម ប៊ុនស្រ៊ន់, ​​ស សី, ថៃ រិទ្ធ, ​និង​ នៅ ស្រីពៅ ជា​ដើម។​ ​​​ក្លិប​​នេះ​​ត្រូវ​បាន​បង្ហើប​ថា​ ​តម្លៃ​សម្ភារ​ទំនើបៗ​ ដែល​​​ប្រើប្រាស់​ក្នុង​​តម្រូវ​ការ​ហ្វឹកហាត់​ប្រចាំ​ថ្ងៃ​​​សម្រាប់​កូន​សិស្ស​អាជីព​ និង​ ​កូន​សិស្ស​ហាត់​សុខភាព​​ ​​មាន​​តម្លៃ​ខ្ទង់​ជិត​ ២ ​ម៉ឺន​ដុល្លារ​សហរដ្ឋ​អាមេរិក​ឯណោះ។​ ​លោក​ ហ៊ុន ​ច័ន្ទរាជ្យ​ ​គ្រូ​បង្វឹក​ និង ជា​ស្ថាបនិក​​នៃ​ក្លិប CTT ​​បាន​​បង្ហើប​ថា​ ៖«​ក្លិប​របស់​យើង​មាន​សម្ភារ​ ​​សម្រាប់​ហ្វឹកហាត់​ទំនើបៗ​ ដែល​មិន​ចាញ់​​​ក្លិប​ប្រដាល់​មួយ​ចំនួន​នៅ​ប្រទេស​​ក្បែរ​ខាង​ឡើយ​ ហើយ​បើ​គិត​ជា​សាច់​ប្រាក់​សរុប​​ គឺ​តម្លៃ​ប្រហែល​ជិត​ ២ ​ម៉ឺន​ដុល្លារ។ ​យើង​​មាន​រេញ​ប្រដាល់​១​, រេញ​វាយ​ក្នុង​ទ្រុង​​១​ដែល​ក្លិប​ខ្លះ​​អត់​មាន​, ​យើង​មាន​កម្រាល​ពូក​ទន់​ល្អ​ ពេល​កីឡាករ​ឡាំ ឬ ​សម​ ពេល​ដួល​ក៏​អត់​គ្រោះ​ថ្នាក់​ដែរ​ ហើយ​តាបពី​​ក៏​ល្អ​ទៀ»។​​ ​ … Continue reading តម្លៃ​សម្ភារ​​ប្រើ​ប្រាស់​ហ្វឹកហាត់​នៅ​​​ក្លិប​ប្រដាល់​ Cambodian Top Team ​​ខ្ទង់​ ២ ម៉ឺន​ដុល្លារ

ហ៊ុន ច័ន្ទរាជ្យ ប្រាប់អំពីចំណុចខ្សោយ និង ខ្លាំងរវាង Priscilla តតាំង នៅ ស្រីពៅ

ការប្រកួតរវាងកីឡាការិនីម្ចាស់ផ្ទះ Priscilla Hertati Lumban Gaolនិង កីឡាការិនិជម្រើសជាតិកម្ពុជា នៅ ស្រីពៅ កាន់តែខិតជិតមកដល់ហើយនៅសង្វៀន ONE: FOR HONOR នាថ្ងៃទី ៣ ខែ ឧសភា ឆ្នាំ ២០១៩ ខាងមុខនៅប្រទេស ឥណ្ឌូណេស៊ី។ គ្រូបង្វឹក ហ៊ុន ច័ន្ទរាជ្យ ប្រចាំក្លិប Cambodian Top Team និង ត្រូវដឹកនាំកីឡាការិនីទៅប្រកួតនាពេលខាងមុខនោះបានបង្ហើបអំពីចំណុចខ្លាំង និង ចំណុចខ្សោយមួយចំនួនរវាងជំនួបខាងលើ។ លោក ហ៊ុន ច័ន្ទរាជ្យ សង្កត់ធ្ងន់ថា ៖« Priscilla គេមានបទពិសោធន៍ច្រើនដល់ ៩ ដងនៅសង្វៀន One Championship និង កម្លាំងខ្លាំងជាងកីឡាការិនីថៃ Riga ដែល ស្រីពៅ ទទួលជ័យជម្នះផង។ កម្លាំងកាច់ បោក ក្លេរគេខ្លាំង ដូច្នេះ យើងត្រូវការពារកុំឲ្យគេក្លេរបាន និង បោកបាន។» … Continue reading ហ៊ុន ច័ន្ទរាជ្យ ប្រាប់អំពីចំណុចខ្សោយ និង ខ្លាំងរវាង Priscilla តតាំង នៅ ស្រីពៅ

ហ៊ុន ច័ន្ទរាជ្យ​ ​​ ប្រាប់​អំពី​ចំណុច​​​សំខាន់​មួយ​ចំនួន​ពេល​​ សុខ ធី ​​​ប្រកួត​ពីរ​​ដង​នៅ​​លើ​សង្វៀន​​ ONEកាល​ចុង​ឆ្នាំ​មុន

គ្រូ​បង្វឹក​ ហ៊ុន ច័ន្ទរាជ្យ ​​ប្រចាំ​នៅ​ក្លិប​ Cambodian Top Team ​បាន​បង្ហើប​​ចំណុច​​សំខាន់​​មួយ​ចំនួន​ ពេល ​សុខ ធី ​​ចាញ់​ ​​កីឡាករ​ជើង​ខ្លាំង​ថៃ​ ​ដោយ​ពិន្ទុ​ទាំង​ពីរ​លើក​ នៅ​​លើ​​​សង្វៀន​កម្រិត​ពិភព​លោក​​ One Championship ​នា​ចុង​ឆ្នាំ​ ២០១៨​​​កន្លង​​ទៅ​ ថា​ Leardsila ​ជា​​កីឡាករ​​​ករ​ ​មាន​បទ​ពិសោធន៍​​ក្រាស់​ជាង​ និង​ ​ឡើង​វ៉ៃ​តាំង​ពី​ សុខ ធី​ មិន​ទាន់​កើត​​ម៉្លេះ។ ​ គ្រូ​បង្វឹក​ដដែល​ នេះ​​រៀបរាប់​ដោយ​ផ្ដោត​លើ​​អាយុ​បច្ចុប្បន្ន​ សុខ ធី ទើប​តែ​ ២២ ​ឆ្នាំ​ ប៉ុន្តែ ​ជើង​ខ្លាំង​ Leardsila ​មាន​អាយុ​រហូត​ដល់​ ​៣៨ ​ឆ្នាំ​​ហើយ ​និង ឡើង​សង្វៀន​រហូត​ដល់​ ២៩៧ ដង​ឯណោះ។ ​​​ដោយ​មាន​បទ​ពិសោធន៍​​ជោកជាំ​លើ​សង្វៀន​​ល្បីៗ​នៅ​ប្រទេស​ថៃ​ Leardsila ​ ឈ្នះ​​ខ្សែ​ក្រវាត់​​ច្រើន​ស្ថាប័ន​​​ដូច​ជា ​2013 WLF Muaythai Lightweight World … Continue reading ហ៊ុន ច័ន្ទរាជ្យ​ ​​ ប្រាប់​អំពី​ចំណុច​​​សំខាន់​មួយ​ចំនួន​ពេល​​ សុខ ធី ​​​ប្រកួត​ពីរ​​ដង​នៅ​​លើ​សង្វៀន​​ ONEកាល​ចុង​ឆ្នាំ​មុន

ហ៊ុន ច័ន្ទរាជ រៀបរាប់​​អំពី​ផល​លំបាក​ ​មុន​បង្កើត​សហព័ន្ធ​ ​រួម​ទាំង​ ​​ផល​ចំណេញ​ក្រោយ​​ការ​បង្កើត​សហព័ន្ធ​​កីឡា​យុទ្ធ​គុនចម្រុះ​កម្ពុជា

គ្រូ​បង្វឹក​​ក្បាច់​គុន​ចម្រុះ​ ហ៊ុន ច័ន្ទរាជ ​​បាន​រៀប​រាប់​​​ផល​លំបាក​​ជា​ច្រើន​​មុន​​ការ​បង្កើត​សហព័ន្ធ ​និង​ ​​បង្ហើប​អំពី​ផល​ចំណេញ​​ក្រាស់​ក្រែល​ ក្រោយ​​​​បង្កើត​​បាន​​ក្បាល​​ម៉ាស៊ីន​សហព័ន្ធ​កីឡា​យុទ្ធ​គុន​ចម្រុះ​​​កាល​ចុង​ឆ្នាំ​ ​២០១៨ ​កន្លង​ទៅ។​ លោក​ ហ៊ុន ច័ន្ទរាជ្យ​ ​ដែល​មាន​​តួនាទី​ជា​អគ្គ​លេខាធិការ​នៃ​សសព័ន្ធ​ក្មេង​ខ្ចី​មួយ​នេះ​​បាន​​ដៅ​ចំណុច​លំបាក​ខ្លះៗ ​យ៉ាង​ដូច្នេះ​៖«​​ MMA ឬ​ ហៅ​ថា​ក្បាច់​គុន​ចម្រុះ​ហ្នឹង​​ជា​ក្បាច់​គុន​គេ​ទទួល​ស្គាល់​ជា​អន្តរជាតិ​ ពេល​​យើង​មិន​ទាន់​បង្កើត​​ជា​សហព័ន្ធ​ ​​​គេ​មិន​សូវ​ទទួល​ស្គាល់​ដូច​សហព័ន្ធ​ដទៃ​នៅ​កម្ពុជា​ទេ​ ហើយ ​ការ​​ធ្វើ​ការងារ​របស់​យើង​​​ក៏​ជួប​ផល​លំបាក​​ច្រើន​ដែរ​ពាក់ព័ន្ធ​ការ​រត់​ការ​ ឬ ​រត់​ឯកសារ​ផ្លូវ​ការ​នានា។ ​យើង​​អត់​មាន​សហព័ន្ធ​ ​​​​ គឺ​ មិន​ទាន់​ទទួល​ស្គាល់​ដោយ​ក្រសួង​អប់រំ​ យុវជន​ និង​ កីឡា​ ​ហើយ​ យើង​ក៏​អត់​មាន​​កញ្ចប់​ថវិកា​ពី​ក្រសួង​ដែរ។ ​​យើង​​ត្រូវ​ប្រើ​ប្រាស់​លុយ​ខ្លួន​ឯង​​ច្រើន។» ផ្ទុយ​ទៅ​វិញ​​បន្ទាប់​ពី​រៀប​ចំ​សហព័ន្ធ​កីឡា​យុទ្ធ​គុន​ចម្រុះ​កម្ពុជា​ រួច​រាល់ ​គ្រូ​បង្វឹក​​ដែល​ហាត់​ក្បាច់​គុន​តាំង​ពី​​អាយុ​ ៤​ ឆ្នាំ​​នៅ​អាមេរិក​រូប​នេះ​​​លម្អិត​អំពី​ផល​ចំណេញ​​ដូច​ជា​ ​​​មាន​ថ្នាក់​ដឹក​នាម​គ្រប់គ្រង​ច្បាស់​លាស់ ​​​សហព័ន្ធ​កីឡា​យុទ្ធ​គុន​ចម្រុះ​កម្ពុជា​ក្លាយ​ជា​សមាជិក​ពេញ​សិទ្ធិ​​របស់​សហព័ន្ធ​កីឡា​គុន​ចម្រុះ​អន្តរ​ពិភព​លោក(WMMAF) ​សហព័ន្ធ​​​ជួយ​សម្រួល​កីឡាករ​ទៅ​ហ្វឹកហាត់​នៅ​ក្រៅ​ប្រទេស​ ​​ជួយ​​ជ្រោមជ្រែង​​​​កីឡាករ​របស់​ក្លិប​ជា​សមាជិក​ទៅ​ប្រកួត​​លើ​ឆាក​អន្តរជាតិ ​ផ្សព្វផ្សាយ​ក្បាច់​គុន​ចម្រុះ​របស់​​កម្ពុជា​នៅ​ឆាក​អន្តរជាតិ និង​ ​បង្កើត​ទំនាក់​​ជា​មួយ​ស្ថាប័ន​រៀប​ចំ​ការ​ប្រកួត​​លំដាប់​ពិភព​លោក​ធំៗ ជា​ដើម។​ គ្រូ​បង្វឹក​វ័យ​ ៣១ ឆ្នាំ ​ដដែល​​នេះ​បាន​ប្ដេជ្ញា​​​លើ​​ការ​ធ្វើ​ការងារ​ ​ទាំង​ការងារ​បង្វឹក​ និង ការងារ​​ពាក់ព័ន្ធ​នានា​ជា​​មួយ​ក្លិប​ក្រោម​បង្គាប់ ​​ដើម្បី​ជំរុញ​ឲ្យ​ ​កីឡា​យុទ្ធ​គុន​ចម្រុះ​កម្ពុជា​​ដើរ​ទៅ​មុខ។ … Continue reading ហ៊ុន ច័ន្ទរាជ រៀបរាប់​​អំពី​ផល​លំបាក​ ​មុន​បង្កើត​សហព័ន្ធ​ ​រួម​ទាំង​ ​​ផល​ចំណេញ​ក្រោយ​​ការ​បង្កើត​សហព័ន្ធ​​កីឡា​យុទ្ធ​គុនចម្រុះ​កម្ពុជា