Nou Srey Pov Stefan Romare Khmer Komlang ONE Championship

ប្រកួតដំបូងនៅONE Championship នៅ ស្រីពៅ បំបាក់ Rika Ishige តែម្តង!

https://www.facebook.com/ONEChampionship/videos/253407042247766/   នៅ ស្រីពៅ មកពីក្លឹប Cambodian Top Team បានអង្រួនសង្វៀនធំ ONE Championship ព្រឹត្តិការណ៍ ONE: CLASH OF LEGENDS ធ្វើឲ្យកក្រើកអស្ចារ្យ នាយប់ថ្ងៃសោរ៍ ទី១៦ ខែកុម្ភះ។ កីឡាការិនីវ័យ ២៤ឆ្នាំរបស់កម្ពុជា ប្រយុទ្ធតទល់គ្នាយ៉ាងតឹងតែងជាមួយតារាប្រដាល់ស្រីរបស់ថៃនាង Rika Ishige ក្នុងការប្រកួតបែបគុនចម្រុះ រហូតដល់ចប់ទឹកទី៣ អាជ្ញាកណ្តាលសម្រេចឲ្យ ស្រីពៅ ឈ្នះដោយពិន្ទុ។ ថ្វីបើ នេះការប្រកួតលើកដំបូងបង្អស់របស់ ស្រីពៅ ក្នុងស្ថាប័នប្រដាល់អន្តរជាតិធំជាងគេលើពិភពលោកនេះមែន  ប៉ុន្តែនាងមានស្មារតីនិងទឹកមុខស្ងប់ល្អ នៅពេលដើរចេញមកបង្ហាញខ្លួនសំដៅចូលទៅក្នុងទ្រុងប្រយុទ្ធ។ ស្រីពៅ ពន្យល់ថា៖ «ក្នុងចិត្តវិញរំភើប ហើយគិតថាខ្ញុំនឹងធ្វើឲ្យអស់ពីសមត្ថភាព នូវអ្វីដែលខ្ញុំខំប្រឹងហាត់ទាំងប៉ុន្មានហ្នឹង» អំឡុងពេលដែល ស្រីពៅ រង់ចាំនៅក្នុងទ្រុងប្រដាល់ ដែលពេលនោះមានលោកគ្រូ ហ៊ុន ចាន់រាជ ក៏ដូចជាមិត្តរួមអាជីព វី ស្រីខួច នៅជិតខ្លួនផងដែរ ស្រាប់តែ Rika បានបង្ហាញខ្លួនពីក្រោយឆាកមក ដោយបានស្លៀកពាក់ជាតុក្តតាក្នុងរឿង … Continue reading ប្រកួតដំបូងនៅONE Championship នៅ ស្រីពៅ បំបាក់ Rika Ishige តែម្តង!

Nou Srey Pov Rika Ishige Photo Stefan Romare Khmer Komlang Kun Khmer

នៅ ស្រីពៅ និង ឡៅ ចិត្រា បានឃើញមុខគូប្រកួតរៀងខ្លួនហើយ!

ថ្ងៃសៅរ៍ ទី១៦ ខែកុម្ភះ ក្នុងព្រឹត្តិការណ៍ ONE: CLASH OF LEGENDS នឹងបង្ហាញមុខជើងខ្លាំងទូទាំងពិភពលោកចំនួន ១២គូ ក្នុងនោះមាន ២គូតំណាងឲ្យកម្ពុជា។ ឡៅ ចិត្រា ជើងឯកប្រដាល់ប្រចាំទូរទស្សន៍បាយ័ន និងជាកីឡាករចំណូលថ្មីនៅ ONE Championship ត្រូវប្រកួតតទល់ជាមួួយ Superlek ជើងឯក Muay Thai World Champion នៅប្រទេសថៃ។ មួយគូនេះនឹងប្រកួតវគ្គ ONE Super Series ប្រភេទទម្ងន់ ៦២គក។ នៅក្នុងកម្មវិធីសន្និសិតកាសែតម្សិលមិញ ដែលធ្វើនៅសណ្ឋាគារ W ទីក្រុងបាងកក ចិត្រា បានបង្ហាញខ្លួន និងបានឈរទល់មុខគ្នាជាមួយ Superlek ។ Superlek បច្ចុប្បន្នជាកីឡាករល្បីល្បាញ ដែលត្រូវបានជនរួមជាតិគេចាត់ទុកដូចជានិមិត្តរូបខាងក្បាច់គុនមួយថៃម្នាក់អីចឹង តែយ៉ាងណាគាត់ប្រាប់ថាគាត់ត្រូវតែប្រយ័ត្នបន្តិចពីជំនាញប្រដាល់របស់ ចិត្រា ព្រោះមិនអាចមើលស្រាលបានទេ។ Superlek និយាយពី ចិត្រាថា៖ «គាត់ជាកីឡាករល្អម្នាក់ ប៉ុន្តែខ្ញុំមានបទពិសោធន៍ច្រើនជាង។ ខ្ញុំដឹងថាគាត់ប្រើកែងល្អ ហើយទាត់ជើងឆ្វេងខ្លាំងទៀត អីចឹងខ្ញុំត្រូវប្រយ័ត្នត្រង់នោះបន្តិច … Continue reading នៅ ស្រីពៅ និង ឡៅ ចិត្រា បានឃើញមុខគូប្រកួតរៀងខ្លួនហើយ!

Nou Srey Pov Khmer Komlang Cambodian Top Team Kun Khmer Lethwei

នៅ ស្រីពៅ ប្រាប់ថាចង់យកជ័យជម្នះពីក្រុងបាងកកមកប្រារព្ធទិវានៃក្តីស្រលាញ់

ថ្ងៃសៅរ៍ ទី១៦ ខែកុម្ភះ ចុងសប្តាហ៍នេះ នៅ ស្រីពៅ ដែលជាជើងឯកខ្សែក្រវាត់គុនខ្មែរពិភពលោក  នឹងធ្វើការប្រកួតដែលទន្ទឹងទុកជាយូរមកហើយនៅព្រឹត្តិការណ៍ ONE: CLASH OF LEGENDS របស់ស្ថាប័នប្រដាល់អន្តរជាតិ ONE Championship នៅឯទីក្រុងបាងកក ប្រទេសថៃ។ ពីមុខការប្រកួតទម្ងន់ ៤៨គក ដែលមានគូប្រកួតនាង Rika “Tiny Doll" Ishige តារាប្រដាល់ស្រីដ៏ល្បីល្បាញម្នាក់ ស្រីពៅ បានធ្វើការហ្វឹតហាត់គ្រប់គ្រាន់ពេញលេញសម្រាប់គូប្រកួតនេះ  នាងសង្ឃឹមថានាងអាចផ្តល់ចំណីចក្ខុគួរឲ្យភ្ញាក់ផ្អើលមួយដល់ទស្សនិកជនចំពោះការបង្ហាញខ្លួនក្នុងទ្រុងដំបូងបង្អស់របស់នាង។ ស្រីពៅ ទើបចាកចេញពីព្រះរាជាណាចក្រកម្ពុជា នារសៀលថ្ងៃអង្គារ ឆ្ពោះទៅទីក្រុងបាងកក។ ថ្វីបើទៅប្រកួតលើកនេះចំទិវានៃក្តីស្រលាញ់ ១៤កុម្ភះក្តី នាងចង់ផ្ញើរក្តីស្រលាញ់ដល់មនុស្សសំខាន់នៅឯទឹកដីកំណើតផងដែរ។ «ខ្ញុំអត់មានសង្សាអីហ្នឹងគេផង អីចឹងធ្វើធម្មតាៗ ដូចអត់មានអីគគ្រឹកគគ្រេងអស្ចារ្យទេ! ប៉ុន្តែនិយាយរួម គឺគួរផ្តល់ក្តីស្រលាញ់ឲ្យម៉ាក់ប៉ាឲ្យច្រើនៗវិញល្អជាង» ប្រសិនបើនាងអាចនៅកម្ពុជាចំថ្ងៃបុណ្យនោះវិញ ស្រីពៅ ប្រាប់ថានាងនឹងយកថ្ងៃ១៤កុម្ភះ ទៅចំណាយជាមួយមិត្តភក្តិជិតស្និទ្ធ ដែលក៏ជាតារាប្រដាល់របស់ ONE Championship មួយរូបដែរគឺ វី ស្រីខួច។ «រាល់ឆ្នាំខ្ញុំធ្វើតែជាមួយស្រីខួច ហើយនឹងជាមួយបងស្រីខ្ញុំម្នាក់ទៀត! យើងអត់មានធ្វើអីច្រើនទេ គ្រាន់តែញាំអីជុំគ្នាដូចជាស៊ុប សាច់អាំងអីហ្នឹង!» … Continue reading នៅ ស្រីពៅ ប្រាប់ថាចង់យកជ័យជម្នះពីក្រុងបាងកកមកប្រារព្ធទិវានៃក្តីស្រលាញ់

កុំភ្លេចតាមដានទស្សនា ONE: CLASH OF LEGENDS ថ្ងៃសៅរ៍នេះ!

ONE Championship នឹងនាំចំណីចក្ខុប្លែកមួយទៀតដល់បងប្អូនជនរួមជាតិ នៅថ្ងៃសោរ៍ ទី១៦ ខែកុម្ភះ ចុងសប្តាហ៍នេះ ដោយបានរៀបចំព្រឹត្តិការណ៍ក្បាច់គុនដ៏ធំម្តងទៀតនៅមជ្ឈមណ្ឌល Impact Arena ទីក្រុងបាងកក ដែលនឹងប្រមូលផ្តុំដោយកីឡាករកីឡាការិនីល្បីៗទូទាំងពិភពលោក។ ក្នុងតារាងគូប្រកួតចំនួន ១៤គូ គឺសុទ្ធសឹងតែជាជើងឯកកំពុងលេចធ្លោថ្មីៗ  មកបញ្ចេញថ្វីដៃតំណាងប្រទេសរៀងៗខ្លួនក្នុងព្រឹត្តិការណ៍ ONE: CLASH OF LEGENDS ក្នុងនោះមានការប្រកួតវិញ្ញាសារ ក្បាច់គុនចម្រុះ និង ប្រដាល់សេរីផងដែរ។ កម្ពុជាក៏បានបញ្ជូនកីឡាករពីររូបទៅប្រកួតផងដែរ គឺជើងឯកគុនខ្មែរពិភពលោក ឡៅ ចិត្រា ត្រូវប៉ះ ជើងខ្លាំងកំពូលរបស់ថៃគឺ Superlek។ និងជើងឯកផ្នែកនារីរបស់កម្មវិធី World Lethwei Championship នៅ ស្រីពៅ ត្រូវប្រឈមមុខជាមួួយតារាប្រដាល់ស្រីរបស់ថៃនាង Rika Ishige។ ខាងក្រោមជាចំណុចពិសេសរបស់ព្រឹត្តិការណ៍ដែលជនរួមជាតិកម្ពុជាទាំងអស់គួរតាមដានទស្សនា៖ ១. ការប៉ះគ្នាដ៏ភ្ញាក់ផ្អើលរបស់ជើងឯកខ្សែក្រវាត់ Muay Thai World Championship ជើងឯកពិភពលោក Nong-O Gaiyanghadao ត្រូវបានគេស្គាល់ថាជាជើងខ្លាំងកំពូលខាងក្បាច់គុនមួយថៃ ចាស់វស្សាក្តី ប៉ុន្តែនៅតែខ្លាំងគួរឲ្យស្ញប់ស្ញែងណាស់។ Nong-O ជាជើងខ្លាំងបំបាក់មិនទាន់បាននៅ … Continue reading កុំភ្លេចតាមដានទស្សនា ONE: CLASH OF LEGENDS ថ្ងៃសៅរ៍នេះ!

Vy Srey Khouch, Nou Srey Piv, Sam Tharoth Kun Khmer Khmer Komlang

សំ ថារត្ន័ សរសើរ នៅ ស្រីពៅ ថាប្រាកដជាមានអនាគតល្អបន្ទាប់ពីប្រកួតនៅ ONE Championship

ថ្ងៃសៅរ៍ ទី១៦ ខែកុម្ភះនេះ ជើងឯកខ្សែក្រវាត់ Kun Khmer World Champion ផ្នែកនារី នៅ ស្រីពៅ នឹងបង្ហាញមុខជាលើកដំបូងនៅលើសង្វៀនពិភពលោក ONE Championship។  នាងត្រូវគេផ្គូរផ្គងប៉ះចំកីឡាការិនីរូបស្រស់របស់ថៃនាង Rika ‘Tiny Doll’ Ishige នៅព្រឹត្តិការណ៍ ONE: CLASH OF LEGENDS ទីក្រុងបាងកក។ ដើម្បីត្រៀមរួចរាល់មុនការប្រកួតគុនចម្រុះថ្ងៃសៅរ៍ក្រោយ ស្រីពៅ ដែលទើបមានវ័យ ២៤ឆ្នាំ បានហាត់សមជារៀងរាល់ថ្ងៃជាមួួយកីឡាករខ្លាំងល្បីៗរបស់កម្ពុជា។ ក្នុងចំណោមនោះក៏មានវត្តមានមិត្តរួមអាជីពប្រចាំ ONE Championship គឺ វី ស្រីខួច ដែលតែងតែជាមិត្តជិតស្និតម្នាក់ជ្រំជ្រែងនាងគ្រប់ពេលវេលា ក្រៅពីនោះគឺមានសិស្សច្បងតារាប្រដាល់ស្រីដ៏មានប្រជាប្រិយភាព សំ ថារត្ន័ បានចូលរួមណែនាំបន្ថែមដល់ការហ្វឹកហាត់យ៉ាងទាន់ហន់របស់ ស្រីពៅដែរ។ ថារត្ន័ ទើបតែត្រលប់មកពីដំណើរកំសាន្តនៅបរទេសក្នុងការសម្ភោធចាក់បញ្ចាំងរឿងថ្មីរបស់នាងគឺ Surviving Bokator មិនបានប៉ុន្មានផង ប៉ុន្តែនាងស្ម័គ្រចិត្តយកពេលវេលារបស់ខ្លួនមកចាប់ហាត់ជាមួយ ស្រីពៅ។ នាងប្រាប់ថានាងសរសើរពីការខិតខំយកចិត្តទុកដាក់ខ្លាំងរបស់ស្រីពៅណាស់។ «ស្រីពៅ ខំខ្លាំងណាស់ ខំមែនទែនតែម្តង! កីឡាគុនចំរុះ និងការហ្វឹកហាត់ … Continue reading សំ ថារត្ន័ សរសើរ នៅ ស្រីពៅ ថាប្រាកដជាមានអនាគតល្អបន្ទាប់ពីប្រកួតនៅ ONE Championship

សង្វៀនប្រដាល់ឯកភ្នំ ខេត្តបាត់ដំបងបើកសម្ភោធដោយជោគជ័យ

សង្វៀនប្រដាល់ឯកភ្នំ ដែលមានទីតាំងនៅខេត្តបាត់ដំបង បានប្រារព្ធកម្មវិធីបើកសម្ភោធជាផ្លូវការជាមួយការរៀបចំកម្មវិធីប្រដាល់បើកវគ្គជាលើកដំបូងនាចុងសប្តាហ៍នេះ ឃើញថាដំណើរការប្រកបដោយជោគជ័យ ទាំងសម្រាប់កីឡាករគុនខ្មែរពន្លកថ្មីជាច្រើនរូប ក៏ដូចជាសម្រាប់អ្នកគាំទ្រប្រដាល់កម្ពុជានៅទីនោះផងដែរ។ កាលពីថ្ងៃសៅរ៍ ទី០២ ខែកុម្ភះ មានបងប្អូនជនរួមជាតិទូទាំងព្រះរាជាណាចក្រកម្ពុជាបានជួបជុំគ្នាចូលមើលការប្រគុំតន្ត្រី និងកម្មវិធីកំសាន្តផ្សេងៗដែលរៀបចំក្នុងកីឡាដ្ឋានថ្មីនេះដូចគ្នា។ ក្នុងចំណោមអ្នកចូលរួមទាំងនោះ ក៏មានវត្តមានស្ថាបនិករបស់ក្លឹបប្រដាល់ «អាណាចក្រប្រយុទ្ធ» លោក  Kwok Leung Sang ព្រមទាំងតារាប្រដាល់ដ៏មានប្រជាប្រិយភាព កែវ រំចង់ ចូលរួមកម្មវិធីនោះដើម្បីទៅលើកទឹកចិត្តកូនសិស្សនិងមិត្តភក្តិគាត់គឺ ឈិន គឹមឆាយ និង ឡុង សុភី ដែលត្រូវប្រកួតនៅទីនោះ ហើយកីឡារករពីររូបក៏បានយកឈ្នះការប្រកួតដោយពិន្ទុដូចគ្នា។ https://www.instagram.com/p/BtfjCSYBA4-/ ក្រៅពីនេះក៏មាន ថៃ រិទ្ធី តំណាងក្លឹប Cambodian Top Team ត្រូវបញ្ចេញស្នាដៃលើសង្វៀននោះដែរ បូករួមជាមួយសមាសភាពកីឡាករផ្សេងៗមកពីបណ្តាប្រទេសដូចជាប្រទេសចិន និងថៃជាដើម។ ពីក្រោយការកសាងកីឡដ្ឋាន និងការរៀបចំកម្មវិធីនេះមានលោក ហេង តុលា ជាអ្នកជំនួញមានមហិច្ចតាខ្ពស់ម្នាក់ ឆន្ទៈរបស់លោកគឺជួយលើកតម្កើងវិស័យកីឡារប្រដាល់នៅកម្ពុជាឲ្យមានការរីកចម្រើនខ្លាំង។ សង្វៀនឯកភ្នំ សម្ភោធមិនទាន់បានប៉ុន្មានផង លោកបានបញ្ចេញគំរោងរៀបចំកម្មវិធីជាច្រើនទៀតរួចទៅហើយ ដែលកម្មវិធីទាំងនោះនឹងមានប្រមូលផ្តុំជើងខ្លាំងប្រដាល់គុនខ្មែរទូទាំងផ្ទៃប្រទេស វាជាឱកាសល្អមួយសម្រាប់អ្នកលេងគុនខ្មែរគ្រប់តំបន់ ក៏ដូចជាជួយឲ្យឆាកប្រដាល់នៅកម្ពុជាកាន់តែមានសន្ទុះខ្លាំងថែមទៀត។ https://www.instagram.com/p/BtfmMHKgR4P/ អត្ថបទ៖ Matias … Continue reading សង្វៀនប្រដាល់ឯកភ្នំ ខេត្តបាត់ដំបងបើកសម្ភោធដោយជោគជ័យ

Lao Chetra ONE Championship Khmer Komlang Kun Khmer

ឡៅ ចិត្រា ប្រាប់ពីគ្រោះថ្នាក់ចរាចរណ៍មុនត្រូវប្រកួតនៅ ONE Championship

មួយរយៈក្រោយនេះ អ្នកលេងគុនខ្មែរ ឡៅ ចិត្រា បានសម្រុកហ្វឹកហាត់ខ្លាំងក្លាដើម្បីត្រៀមខ្លួនប្រកួតនៅសង្វៀនធំ ONE Championship Super Series ថ្ងៃទី១៦ ខែកុម្ភះ នៅទីក្រុងបាងកក។ តែសំណាងមិនល្អ ពេលកំពុងជិះម៉ូតូឆ្ពោះទៅប៉ុស្តិ៍បាយ័នកាលពីរសៀលថ្ងៃអាទិត្យ ចិត្រា បានជួបគ្រោះថ្នាក់ចរាចរណ៍ជាយថាហេតុ ធ្វើឲ្យមានការភ្ញាក់ផ្អើលពេញផ្ទៃប្រទេស។ ចិត្រា រៀបរាប់ពីដំណើររឿងថា៖ «ពេលនោះខ្ញុំកំពុងជិះម៉ូតូនៅលើផ្លូវវេងស្រេង ក៏មានមូតូមួយជិះជៀសឡានហើយមកបុកខ្ញុំតែម្តង»។ បើមើលតាមរូបភាពប៉ុន្មានសន្លឹកដែលបង្ហាញពីរបួស ស្នាមរលាត់ស្បែក ពេលគាត់ដួលម៉ូតូ ហើយភ្លាមៗ ឃើញថាមានបណ្តាញពត៌មាន និងបណ្តាញសង្គមជាច្រើនបានយកទៅចែករំលែកសុះសាយ ប៉ុន្តែតាមសម្តីរបស់ ចិត្រា វិញប្រាប់ឲ្យដឹងថាវាមិនមានអ្វីធ្ងន់ធ្ងរដូចអ្វីដែលគេនិយាយទេ។ គាត់បញ្ជាក់ម្តងហើយម្តងទៀតថា៖ «ខ្ញុំអត់អីទេ! គ្រាន់តែមានរបួស រលាត់សើរស្បែកប៉ុណ្ណោះ គ្រាន់តែលៀងរបួសបន្តិចទៅអស់អីហើយ។ ខ្ញុំទៅហាត់ធម្មតា ព្រោះរបួសវាអត់មានអីធ្ងន់ធ្ងរផង!»។ គួរបញ្ជាក់ផងដែរថា ចិត្រា ត្រូវប្រកួតប៉ះជើងខ្លាំងក្នុងកម្មវិធី ONE Super Series នៅទីក្រុងបាងកក ដែលមិនមែនជាគូប្រកួតងាយផ្តួលបានឡើយ។ គូប្រកួតលើកនេះគឺ Superlek Kiatmoo9 ដែលប្រជាជនថៃភាគច្រើនចាត់ទុកដូចវីរបុរសអីចឹង ដោយសារគាត់មានប្រវត្តិជាជើងឯកខ្សែក្រវាត់ Lumpinee Stadium World Champion ចំនួន … Continue reading ឡៅ ចិត្រា ប្រាប់ពីគ្រោះថ្នាក់ចរាចរណ៍មុនត្រូវប្រកួតនៅ ONE Championship

ផ្លូវការហើយ! រិន សារត្ន័ ត្រៀមចេញប្រកួតនៅភូមាព្រឹត្តិការណ៍ ONE: REIGN OF VALOR

អ្នកប្រដាល់គុនចម្រុះចាស់ជំនាន់ រិន សារត្ន័ ត្រូវបានគេកក់ប្រកួតជាលើកដំបូងសម្រាប់ដើមឆ្នាំ ២០១៩នេះហើយ។ ONE Championship ទើបបានប្រកាសជាសាធារណៈថា រិន សារត្ន័ នឹងត្រូវផ្គូផ្គងជាមួយកីឡាករថ្មីថ្មោង Tial Thang ក្នុងទ្រុងសង្វៀនធំនៅទីក្រុងយ៉ាងហ្គូន ប្រទេសភូមាសម្រាប់ប្រកួតថ្ងៃសុក្រ ទី០៨ មីនាឆាប់ៗ។ កីឡាករប្រដាល់ក្នុងទ្រុងវ័យ ២៥ឆ្នាំរូបនេះ ធ្លាប់បានលេចលឺថាថ្មីៗនេះ ពុះកញ្រ្ជោលចង់ឆាប់បានប្រកួតនៅសង្វៀនពិភពលោកឲ្យកាន់តែឆាប់កាន់តែល្អ ពីព្រោះចង់បង្ហាញស្នៀតថ្មីៗដែលខ្លួនបានសម្ងំហាត់ទុកជាយូរមកហើយ ជាមួយគ្រូបង្វឹកថ្មីម្នាក់នៅក្លឹប Cambodian Top Team ទីក្រុងភ្នំពេញ។ សារត្ន័ បង្ហើបប្រាប់ពីភាពរីកចម្រើនរបស់ខ្លួនថា៖ «ខ្ញុំមើលឃើញខ្លួនឯងថាខុសពីមុនត្រង់ហ៊ានចូលចាប់ជាងមុន។ ខាងក្បាច់វាយ និងក្បាច់ការពារខ្លួនទូទៅ ក៏លឿនជាង និងល្អជាងមុនឆ្ងាយ។ ខ្ញុំត្រៀមបញ្ចេញសមត្ថភាពរួចហើយ»។ ការដាក់ផ្គូផ្គងឲ្យប៉ះជាមួយកីឡាករកើតនៅភូមាម្តងនេះ មិនមែនជាគូប្រយុទ្ធអន់នោះទេ ដោយដឹងថា Tial Thang ជាកីឡាករថ្មីថ្មោងមែន ប៉ុន្តែខាងក្រោយខ្នងមាននិមិត្តរូបល្បីរបស់ភូមា Aung La N Sang សរសើរមិនដាច់ពីមាត់ពីសមត្ថភាពខ្លាំងរបស់សិស្សប្អូនរូបនេះ ហើយថាអនាគតនឹងក្លាយជាតារាប្រដាល់ល្បីកក្រើកពិភពលោកមួយរូបដែរមិនខាន។ Aung La N Sang រំលើកសរសើរ Tial Thang … Continue reading ផ្លូវការហើយ! រិន សារត្ន័ ត្រៀមចេញប្រកួតនៅភូមាព្រឹត្តិការណ៍ ONE: REIGN OF VALOR

Ren Saroth Slated For ONE: REIGN OF VALOR in Myanmar

Cambodian mixed martial arts veteran Ren Saroth is booked for his first bout of 2019. ONE Championship recently announced he will be taking on promotional newcomer Tial Thang at ONE: REIGN OF VALOR in Yangon, Myanmar on Friday, 8 March. 25-year-old Ren Saroth has been vocal about his eagerness to return to the ONE cage … Continue reading Ren Saroth Slated For ONE: REIGN OF VALOR in Myanmar