គ្រូ​បង្វឹក​ខ្សែ​ក្រវាត់​ខ្មៅ​៣​ដាន់​​​ក្បាច់​គុន​​ជីជិតស៊ូ​ ​​វិភាគ​ការ​ប្រកួត​រវាង​ ចាន់ រតនា និង​ ​ជើង​​ខ្លាំង​គុយបា​ Gustavo Balart នៅ​សង្វៀន​ ONE: DREAMS OF GOLD

គ្រូ​បង្វឹក​​​ខ្សែ​ក្រវាត់​ខ្មៅ​៣​ដាន់​​ខាង​ក្បាច់​គុន​ ​ជីជិស៊ូ​ លោក​​ Fernando Salvador បាន​​ចេញ​មុខ​​មក​វិភាគ​ការ​ប្រកួត​រវាង​​កំពូល​កីឡាករ​គុន​ចម្រុះ​កម្ពុជា ចាន់ រតនា ​និង​ ជើង​ខ្លាំង​​សញ្ជាតិ​គុយបា​ Gustavo Balart ​នៅ​សង្វៀន​ ONE: DREAMS OF GOLD ​ដែល​រៀប​ចំ​នៅ​ក្រុង​បាងកក​ប្រទេស​ថៃ​នា​ថ្ងៃ​សុក្រ​​ទី​ ១៦ ខែ ​សីហា​ ឆ្នាំ​ ២០១៩​ ​ចុង​សប្ដាហ៍​នេះ​ចាប់​ពី​ម៉ោង​ ៥ ​ល្ងាច​តទៅ។ ​ប៉ុន្តែ គូ​ ចាន់ ​រតនា ​ និង Balart អាច​នឹង​ចាប់​ផ្ដើម​ប្រកួត​វេលា​ម៉ោង​ ៨:៣០ យប់។ ​   គ្រូ​បង្វឹក​រូប​នេះ​បាន​​វិភាគ​ថា​ ​ចាន់ រតនា​ ​មាន​​ឱកាស​ល្អ​ដើម្បី​ឈ្នះ​ការ​ប្រកួត​តាម​រយៈ​ការ​រៀប​គម្រោង​ការពារ​ទប់​​​​ទល់​នឹង​អ្នក​ជំនាញ​ផ្នែក​ចំបាប់, ​និង​ ​ដៃ​គូ​​ប្រយុទ្ធ​​មាន​កម្លាំង​​ខ្លាំងក្លា។ ​លោក​បន្ត​ថា​ ​​រតនា​ ​ត្រូវ​​តែ​មាន​ការ​រៀប​ចំ​ខ្លួន​​ល្អ​ និង ​ប្រើ​តិកនិក​​ឲ្យ​ប្រកប​ដោយ​ភាព​ប្រុង​ប្រយ័ត្ន​ចំពោះ​ Balart ដែល​ជា​កីឡាករ​ចំបាប់​​ធ្លាប់​ប្រកួត​នៅ​ព្រឹត្តិការណ៍​​អូឡាំពិក​តំណាង​ឲ្យ​គុយបា។ វីដេអូ ប្រកួត​ចុង​​ក្រោយ​របស់ Balart ​នៅ​សង្វៀន … Continue reading គ្រូ​បង្វឹក​ខ្សែ​ក្រវាត់​ខ្មៅ​៣​ដាន់​​​ក្បាច់​គុន​​ជីជិតស៊ូ​ ​​វិភាគ​ការ​ប្រកួត​រវាង​ ចាន់ រតនា និង​ ​ជើង​​ខ្លាំង​គុយបា​ Gustavo Balart នៅ​សង្វៀន​ ONE: DREAMS OF GOLD

៣ ​ចំណុច​​ដែល​អ្នក​គាំទ្រ​កម្ពុជា​ត្រូវ​តែ​ទស្សនា​ការ​ប្រកួត​ ONE :DREAMS OF GOLD

​ការ​ប្រកួត​​ដ៏​អស្ចារ្យ​នៅ​​សង្វៀន​ ONE :DREAMS OF GOLD ​​​ដែល​រៀប​ចំ​នៅ​ថ្ងៃ​​សុក្រ​ទី​ ១៦​ខែ សីហា ​ឆ្នាំ ២០១៩ ​នៅ​​ក្រុង​បាងកក​ ប្រទេស​ថៃ ​កាន់​តែ​ខិត​ជិត​មក​ដល់​ហើយ។ ​ក្នុង​នោះ​មាន​​ ៣ ចំណុច​​​​គួរ​ឲ្យ​ចាប់​អារម្មណ៍​ ដែល​​អ្នក​គាំទ្រ​​​​នៅ​កម្ពុជា​ត្រូវ​តែ​​ទស្សនា។ ​ទី​១​រឿង​ដែល​អ្នក​គាំទ្រ​​ចង់​ដឹង​​និង​ តាម​ដាន​ខ្លាំង​​ គឺ​ ចាន់ រតនា​ តំណាង​​ឲ្យ​កម្ពុជា​ ​​ត្រូវ​ជួប​​​អ្នក​លេង​ក្បាច់​គុន​ជំនាញ​ចំបាប់​សញ្ជាតិ​គុយបា​ Gustavo Balart។​ ​ទី​២​ Petchdam Petchyindee Academy ​ឡើង​ការ​ពារ​ខ្សែ​ក្រវាត់ ​Flyweight Kickboxing World Championship ​របស់​ខ្លួន​​ទល់​នឹង​​ជើង​ខ្លាំង​ហុល្លង់​ Ilias Ennahachi។ ​ទី៣​ Smokin' Jo Nattawut ​របស់​ថៃ​​ត្រូវ​ជួប​​​​ជើង​ខ្លាំង​កណ្ដាប់​ដៃ​ Giorgio Petrosyan មក​ពី​​អ៊ីតាលី ​នៅ​វគ្គ​ពាក់​កណ្ដាល​ផ្ដាច់​ព្រ័ត្រ​ Featherweight Kickboxing World Grand Prix ដើម្បី​​​ដណ្ដើម​កៅ​​អី​ទៅ​​ឈ្នះ​ប្រាក់​រង្វាន់ ១ លាន​ដុល្លារ​អាមេរិក​ … Continue reading ៣ ​ចំណុច​​ដែល​អ្នក​គាំទ្រ​កម្ពុជា​ត្រូវ​តែ​ទស្សនា​ការ​ប្រកួត​ ONE :DREAMS OF GOLD

ខុន ស៊ីចាន់​ និង ស៊ឹម ប៊ុនស៊្រន់ ​សុទ្ធ​តែ​បញ្ចេញ​​ទស្សនៈ​ទុក​​ចិត្ត​​លើ​ ចាន់ រតនា ​​

ម្ចាស់​ក្លិប​ «សិល្បៈ» ​និង ​ជា​កីឡាករ​គុន​ចម្រុះ​​​ ចាន់​ រតនា ​ត្រូវ​ជួប​​ជើង​ខ្លាំង​មក​ពី​គុយបា​​ ​Gustavo Balart ​នៅ​សង្វៀន​ ONE: DREAM OF GOLD ​នា​ថ្ងៃ​ទី​ ​១៦​ ខែ ​សីហា ឆ្នាំ​ ២០១៩​ នៅ​​ក្រុង​បាងកក​​ ប្រទេស​ថៃ។ មុន​ការ​ប្រកួត​មក​ដល់​ អ្នក​លេង​គុន​ចម្រុះ​មាន​ឈ្មោះ​បោះ​សំឡេង​នៅ​កម្ពុជា​ពីរ​រូប​សុទ្ធ ខុន ស៊ីចាន់ និង ស៊ឹម ប៊ុនស៊្រន់​ ​បាន​​បង្ហាញ​​​ទំនុក​ចិត្ត​ដល់​​មិត្ត​រួម​ជាតិ​ ចាន់ រតនា​ ​​ដែល​អាច​មាន​ភាគ​រយ​ខ្ពស់​ដើម្បី​ទទួល​ជ័យជម្នះ​ជូន​អ្នក​គាំទ្រ​កម្ពុជា។ ​ស៊ឹម ប៊ុនស្រ៊ន់​ ដែល​មាន​បទ​​ពិសោធន៍​ប្រកួត​​លើ​​សង្វៀន​គុន​ចម្រុះ​ជា​​ច្រើន​ដង​​កន្លង​មក​បាន​បង្ហើប​​​ទស្សនៈ​ផ្លាល់​ខ្លួន​ថា​ ៖«​ខ្ញុំ​​គិត​ថា​ ​បង​ រតនា​ អាច​មាន​ភាគរយ​ពី​ ៦០ ​ទៅ​ ​៧០​ ភាគរយ​​ដើម្បី​ឈ្នះ​ការ​ប្រកួត​​នេះ។​ ​បើ​សិន​ ​បង​ រតនា ​អាច​ទាត់​កាត់​​ ​និង បោះ​ជង្គង់​ច្រើន​ ​ប្រហែល​ជា​ Balart អាច​សន្លប់​​ទៀត​ផង។ ​កម្លាំង​​ស៊ុហ្វ​ របស់​ … Continue reading ខុន ស៊ីចាន់​ និង ស៊ឹម ប៊ុនស៊្រន់ ​សុទ្ធ​តែ​បញ្ចេញ​​ទស្សនៈ​ទុក​​ចិត្ត​​លើ​ ចាន់ រតនា ​​

ចាន់ រតនា​ ប្រាប់​​​​អំពី​តិកនិក​​របស់​​​ Gustavo Balart ​មុន​ប៉ះ​គ្នា​នា​ពាក់​កណ្ដាល​ខែ សីហា ​ខាង​មុខ

កីឡាករ​កំពូល​អ្នក​លេង​គុន​ចម្រុះ​ប្រចាំ​កម្ពុជា​ ចាន់ រតនា​ ​បាន​ត្រៀម​ខ្លួន​​​​​បាន​យ៉ាង​ល្អ​មុន​ជួប​​​ជើង​ខ្លាំង​សញ្ជាតិ​គុយបា​ Gustavo Balart នៅ សង្វៀន​ ONE: DREAMS OF GOLD នៅ​ក្រុង​បាងកក​​ប្រទេស​ថៃ​​នា​ថ្ងៃ​ទី​ ១៦ ខែ សីហា​ ឆ្នាំ ២០១៩ ​ខាង​មុខ។​ ​ម្ចាស់​ក្លិប «សិល្បៈ» ​​ដែល​លេច​ធ្លោ​លើ​សង្វៀន​គុន​ចម្រុះ​តាំង​ពី​ឆ្នាំ​ ២០១៤​ មក​នោះ​បាន​រៀប​រាប់​អំពី​​​ចំណុច​ល្អ​មួយ​ចំនួន​របស់​គូ​ប្រជែង​ Gustavo។​ ​កីឡាករ​​វ័យ​​៣៣​ឆ្នាំ​​តំណាង​ឲ្យ​កម្ពុជា​​បាន​បង្ហើប​ក្បាច់​របស់​គូ​ប្រកួត​ថា ៖«​ខ្ញុំ​បាន​តាម​ដាន​វីដេអូ​ច្រើន​អំពី Gustavo ។ ​ខ្ញុំ​ឃើញ​គេ​វាយ​ជា​មួយ Tatsumitsu Wada ​នា​ប្រកួត​ចុង​ក្រោយ​ដូច​អត់​សូវ​ហ៊ាន​ចូល​ចាប់។​ ខ្ញុំ​មិន​ដឹង​ថា​​ពេល​​ហ្នឹង​យ៉ាង​ម៉េច​ទេ។​ ​ប៉ុន្តែ​ខ្ញុំ​មើល​ឃើញ​ក្បាច់​ចំបាប់​គេ​ល្អ​ណាស់​ និង​បទ​ពិសោធន៍​ច្រើន​ណាស់​នៅ​​សង្វៀន​ MMA»។ ​Gustavo Balart ​មាន​វ័យ​ ៣២​ ឆ្នាំ​​​មាន​កម្ពស់​ត្រឹម​ ១,៤៩ ​​ម៉ែត្រ​ជា​ម្ចាស់​មេដាយ​មាស​ក្នុង​ព្រឹត្តិការណ៍​ Pan American Games នៅ​ឆ្នាំ​ ២០១១។​ ​ក្នុង​ការ​ប្រកួត​​​ពិភព​គុន​ចម្រុះ​បាន​ចំនួន​ ១០​ លើក​ Gustavo ​​ធ្វើ​បាន​ល្អ​ខ្លាំង​ណាស់​ដោយ​ឈ្នះ​ ៨ … Continue reading ចាន់ រតនា​ ប្រាប់​​​​អំពី​តិកនិក​​របស់​​​ Gustavo Balart ​មុន​ប៉ះ​គ្នា​នា​ពាក់​កណ្ដាល​ខែ សីហា ​ខាង​មុខ

៣​ រឿង​ដែល​​​​​អ្នក​គាំទ្រ​អាច​មិន​ដឹង​អំពី​​​ជើង​ខ្លាំង​គុន​ចម្រុះ​ប្រចាំ​​សង្វៀន​ ONE ចាន់ រតនា

​អ្នក​លេង​ក្បាច់​​គុន​ចម្រុះ​​វ័យ​ ​៣៣ ឆ្នាំ​ ​ជា​កីឡាករ​ម្នាក់​ដែល​លេច​ធ្លោ​ពេល​ឡើង​​ប្រកួត​តំណាង​​ឲ្យ​​​​កម្ពុជា​លើក​ឆាក​អន្តរជាតិ​ជា​ពិសេស​នៅ​​សង្វៀន​ ONE ​តាំង​ពី​ឆ្នាំ ២០១៤​ ​រហូត​ដល់​បច្ចុប្បន្ន។​ ​មាន​រឿង​រ៉ាវ​ ៣​​ សំខាន់​ដែល​​អ្នក​គាំទ្រ​​អាច​មិន​​ដឹង​អំពី​ជើង​ខ្លាំង​គុន​ចម្រុះ​ប្រចាំ​កម្ពុជា​​ ចាន់ រតនា។​ ១- រតនា ជា​កីឡាករ​លេច​ធ្លោ​​មិន​ធ្លាប់​មាន​របស់​កម្ពុជា​ក្នុង​ប្រវត្តិ​របស់​ ONE ដ្បិត​វ័យ​៣៣​ឆ្នាំ​​ហើយ​មាន​ប្រពន្ធ​កូន​ទៀត​ ចាន់ រតនា ​ជា​កីឡាករ​មាន​ភាព​អំណត់​តស៊ូ​ខ្លាំងក្លា​ក្នុង​ការ​ហ្វឹកហាត់​​រហូត​​​ទទួល​បាន​​កិច្ច​សន្យា​ប្រកួត​​នៅ​សង្វៀន​ ONE ​​បន្ត​បន្ទាប់​តាំង​ពី​ឆ្នាំ​ ២០១៤​ មក។ ​​ចាន់ ​រតនា ជា​កីឡាករ​ដែល​​​ទទួល​បាន​កិច្ច​សន្យា​ប្រកួត​នៅ​សង្វៀន​ពិភព​លោក ONE ​បាន​យូរ​ និង ច្រើន​ប្រកួត​ជាង​គេ​​ក្នុង​ចំណោម​កីឡាករ​នៅ​កម្ពុជា ​ពោល​ប្រកួត​លើ​​សង្វៀន​អន្តរជាតិ​នេះ​រហូត​ដល់ ៨ ​ដង​ក្នុង​នោះ​ឈ្នះ​ ៥ ដង​ និង​ ​ចាញ់​៣ដង។ ​រតនា ​មាន​កំណត់​ត្រា​ឈ្នះ​កីឡាករ​គុន​​ចម្រុះ​បរទេស​​ច្រើន​ជាង​កីឡាករ​កម្ពុជា​ផ្សេង​ទៀត​ (ឈ្នះ​៣​ដង)។ ​​​ម្ចាស់​ក្លិប​​ «សិល្បៈ» រូប​នេះ​ឈ្នះ​កីឡាករ​ឥណ្ឌូណេស៊ី​​ Rudy Agustian , Abrou Fernandes និង ​កីឡាករ​ហ្វីលីពីន​ Ramon Gonzales។ ​​នៅ​ថ្ងៃ​ទី​ … Continue reading ៣​ រឿង​ដែល​​​​​អ្នក​គាំទ្រ​អាច​មិន​ដឹង​អំពី​​​ជើង​ខ្លាំង​គុន​ចម្រុះ​ប្រចាំ​​សង្វៀន​ ONE ចាន់ រតនា

ចាន់ រតនា ​៖«ទីតាំង​​​ក្លិប​ជួល​ថ្មី​​ ខ្ញុំ​រក​មិន​ទាន់​បាន​ទេ​ បើ​បង​ប្អូន​​​មាន​​ស្គាល់​ទីតាំង​ទំនេរ​ជួយ​ប្រាប់​ផង»

«​ខ្ញុំ​​ ​កូន​សិស្ស និង​ ប្រពន្ធ​ខ្ញុំ​​​​កំពុង​​រក​ទីតាំង​មួយ​សមរម្យ​ អាច​ជួល​បង្ហាត់​សិស្ស ឬ​ ​ដាក់​រេញ​​បាន​១​ ​និង​​ដាក់​សម្ភារ​​ហ្វឹកហាត់​មួយ​ចំនួន។​ ប៉ុន្តែ​រហូត​ដល់​​ពេល​មិន​ទាន់​រក​បាន​ទេ។​ បើ​បង​ប្អូន​មាន​ទីតាំង​សមរម្យ​​ជួយ​ប្រាប់​បង​ខ្ញុំ​​នឹង​ទៅ​ឆែក​មើល។ ​​ទី​តាំង​ខ្ញុំ​ចង់​បាន​ម្ដុំ​ទួល​ទំពូង និង​ បឹងត្របែក។​ ​បើ​បង​ប្អូន​មាន ឬ ស្គាល់​​កន្លែង​ទំនេរ​ ​សូម​ទាក់ទង​លេខ​ទូរសព្ទ​​ខ្ញុំ​​ ​០៩២​ ៣៤៥ ៤៣៩»។ ​នេះ​ជា​​បង្ហើប​​ឲ្យ​ដឹង​របស់ ​​​​ចាន់ រតនា​ កំពូល​អ្នក​លេង​ក្បាច់​ គុន​ចម្រុះ​ប្រចាំ​នៅ​កម្ពុជា​​ និង​ ​ម្ចាស់​​ក្លិប​ប្រដាល់​ «សិល្បៈ»។ ​​ការ​ថ្លែង​ឲ្យ​ដឹង​យ៉ាង​ដូច្នេះ​​ បន្ទាប់​ពី​ទីតាំង​​ស្ថិត​នៅ​ក្បែរ​ សារ​មន្ទីរ​ឧក្រិដ្ឋ​កម្ម​ប្រល័យ​ពូជ​សាសន៍​ទួល​ស្លែង​​​​នោះ​​នឹង​ផុត​កិច្ច​សន្យា​​ត្រឹម​ខែ ​​តុលា ឆ្នាំ ២០១៩ ខាង​មុខ​​ ប៉ុន្តែ​​សម្ភារ​ហ្វឹកហាត់​នានា​ និង​ រេញ​ក្នុង​ទ្រុង​​មួយ​នឹង​ត្រូវ​រើ​ចេញ​ត្រឹម​ដើម​ខែ កញ្ញា​ ហើយ។​ ​ទីតាំង​ក្បែរ​គុក​ទួល​ស្លែង​នេះ​ត្រូវ​បាន​ដំណើរ​ការ​ហ្វឹកហាត់​អស់​​រយៈ​ពេល​ ៣​ ឆ្នាំ​មក​​ ​ហើយ​ ដែល​ត្រូវ​ទៅ​តាម​កិច្ច​សន្យា​ជួល​ជា​មួយ​ម្ចាស់​ទីតាំង​ផ្ទាល់។​ ការ​​ដែល​បញ្ចប់​ការ​ជួល​ឲ្យ​ ​ចាន់ រតនា នេះ​ព្រោះ​ម្ចាស់​​ផ្ទះ​​យក​​ទីតាំង​នេះ​​​លក់​​ឲ្យ​អ្នក​ផ្សេង។ ​ ​ ​អ្នក​​លេង​គុន​ខ្មែរ​​វ័យ​ ​៣៣ ​ឆ្នាំ​​រូប​នេះ​​រៀប​រាប់​​ទៀត​ ខ្លួន​នៅ​សល់​ពេល​ … Continue reading ចាន់ រតនា ​៖«ទីតាំង​​​ក្លិប​ជួល​ថ្មី​​ ខ្ញុំ​រក​មិន​ទាន់​បាន​ទេ​ បើ​បង​ប្អូន​​​មាន​​ស្គាល់​ទីតាំង​ទំនេរ​ជួយ​ប្រាប់​ផង»

ចាន់ រតនា៖«​បើ​នារីៗ​​ខ្មែរ​ចង់​ហាត់​​ក្បាច់​គុន ​ឬ ​គុន​ចម្រុះ​ ខ្ញុំ​អាច​ជួយ​សម្រួល​ ឬ​​ មិន​យក​តម្លៃ​​ពី​ការ​​ហ្វឹកហាត់​បើ​អត់​មាន​​លទ្ធភាព»

«​​នារី​ខ្មែរ​យើង​ភាគ​ច្រើន​​អត់​ដូច​បរទេស​ទេ។​ យើង​ប្រកាន់​ខ្ជាប់​ប្រពៃណី​ ​ហើយ​​​ទី១​​ខ្លួន​គេ​មិន​ចង់​ហាត់​ក្បាច់​គុន​ និង​ទី២​ ​ឪពុក​ម្ចាស់​ឬ អាណា​ព្យាបាល​របស់​ពួក​គាត់​មិន​ឲ្យ​ហាត់​ក្បាច់​​គុន​នោះ​ឡើយ។​ ​រឿង​​​​​ហាត់​ដើម្បី​សុខភាព​​ក៏​តិច​ ហើយ​ ​បើ​ហាត់​ដើម្បី​ចង់​ឡើង​ប្រកួត​លើ​សង្វៀន​ទៀត​​ក៏​រឹត​តែ​តិច។​ ​​បើ​សិន​​​បង​ប្អូន​នារីៗ​​ចង់​ហ្វឹកហាត់​​ខ្ញុំ​​ផ្ដល់​ជូន​ពិសេស​ ​ហើយ​ ​បើ​អត់​លទ្ធភាព​ទេ​ ខ្ញុំ​នឹង​ជួយ​បង្ហាត់​អត់​គិត​ថ្លៃ​ទៀត បើ​សិន​​ជា​ហាត់​មាន​បំណង​ចង់​ឡើង​ប្រកួត​ពិត​ប្រាកដ»។ ​នេះ​ជា​ការ​ថ្លែង​របស់​ ចាន់ ​រតនា ​ជា​គ្រូ​បង្វឹក​ និង​ជា​​ម្ចាស់​ក្លិប​ប្រដាល់ «​សិល្បៈ»។ ការ​ថ្លែង​បែប​នេះ​​​ដោយ​សារ​​កីឡាការិនី​គុន​ខ្មែរ​​​​នៅ​មាន​​ចំនួន​​តិច​ណាស់​បើ​ធៀប​ទៅ​នឹង​ប្រទេស​នានា​ ​និង​ ​​តំបន់​អឺរ៉ុប។ ​រាល់​ថ្ងៃ​បើ​ក្រឡេក​មើល​កីឡាការិនី​ដែល​មាន​ឈ្មោះ​លេច​ធ្លោ​រាល់​ថ្ងៃ​នេះ​​​មាន​​មិន​ច្រើន​នោះ​ឡើយ​ ​ដូច​ជា នៅ​ ស្រីពៅ, វី ស្រីខួច, អេ ព្រីយ៉ានុត, និង សំ ថារ័ត្ន។ ​​ការ​ដែល​មាន​កីឡាការិនី​តិច​បែប​នេះ​ ទើប​ធ្វើ​​ឲ្យ​​មាន​ភាព​ខ្សត់ខ្សោយ​​​ឡើង​សង្វៀន​ប្រកួត​ ហើយ​ ស្រីខួច ​ក៏​បាន​ត្អូញត្អែរ​ដែរ​ថា​ ទោះ​ខ្លួន​ហ្វឹកហាត់​ត្រៀម​ស៊ីហ្គេម​​ប៉ុន្តែ​ ​កម្រ​​មាន​សង្វៀន​ឡើង​ប្រកួត​ណាស់ និង ​បាន​ត្រឹម​តែ​​ហាត់​ឡាំ​ជា​មួយ​ប្រុសៗ​ ​ប៉ុណ្ណោះ។ ​ ចាន់ ​រតនា ​​​គូស​បញ្ជាក់​ ៖«​ក្លិប​​​របស់​ខ្ញុំ​រាល់​ថ្ងៃ​ មាន​នារីៗ​បទេស​ហ្វឹកហាត់​ច្រើន​ជាង​​បុរស​ផង។ ​អ្នក​ខ្លះ​​ហាត់​ដើម្បី​សុខភាព​ ​​ហើយ​​មួយ​ចំនួន​ទៀត​ហាត់​ចង់​ឡើង​វ៉ៃ​ណាស់។ ​ខ្ញុំ​គិត​ថា​​ នារី​បរទេស​ គាត់​មាន​សេរីភាព​ជាង​នារី​ខ្មែរ​​ដែល​​អាច​មក​ពី​ប្រពៃណី​​កំហិត​ … Continue reading ចាន់ រតនា៖«​បើ​នារីៗ​​ខ្មែរ​ចង់​ហាត់​​ក្បាច់​គុន ​ឬ ​គុន​ចម្រុះ​ ខ្ញុំ​អាច​ជួយ​សម្រួល​ ឬ​​ មិន​យក​តម្លៃ​​ពី​ការ​​ហ្វឹកហាត់​បើ​អត់​មាន​​លទ្ធភាព»

ហេតុ​​ផល​សំខាន់ៗ Emmanuel សរសើរពេល​ហ្វឹកហាត់​ជា​មួយ​ ចាន់ រតនា​

​ជើង​ខ្លាំង​​គុន​ចម្រុះ​​សញ្ជាតិ​នីហ្សេរីយ៉ា​ Emmanuel Onyedikachi ដែល​គេ​ស្គាល់​តាម​រយៈ​ការ​ហ្វឹកហាត់​​ជា​មួយ​​​​កីឡាករ​ជើង​ចាស់​និង​គ្រូ​បង្វឹក​ ​ចាន់ រតនា​ ​មុន​ឡើង​ប្រកួត​សង្វៀន​ ONE Championship ​នា​ពេល​កន្លង​មក​នោះ​បាន​ថ្លែង​សារ​សំខាន់​ៗ​ចំពោះ​​គ្រូ​បង្វឹក​​ផ្ដល់​​ឲ្យ​ ​​ដូច​ជា​ការ​រៀប​ចំ​បាន​ល្អ​មុន​ការ​ប្រកួត​ ការ​​ផ្ដល់​កម្លាំង​ស្មារតី ​​ការ​ផ្ដល់​បច្ចេកទេស ​និង ​ការ​ទូន្មាន​បំបាត់​ការ​ភ័យ​ខ្លាច​ជា​ដើម។ Onyedikachi ​បាន​ថ្លែង​​​ដូច្នេះ ​៖«​​គាត់ [ចាន់ រតនា] រៀប​ចំ​​សម្រាប់​ខ្ញុំ​បាន​ល្អ​ផ្នែក​ស្មារតី​។ គាត់​ផ្ដល់​ឲ្យ​ខ្ញុំ​នូវ​ពេល​វេលា​ច្រើន​មិន​ខ្លាច​ហត់​នឿយ​ ហើយ ​គាត់​ចាត់​​​ទុក​ថា ​ជា​ផ្នែក​នៃ​ការ​ហ្វឹកហាត់​មួយ។​គាត់​​ឲ្យ​ខ្ញុំ​យល់​អំពី​ការ​បំបាត់​ការ​ភ័យ​ខ្លាច​លើ​សង្វៀន​ហើយ​ មិន​ត្រូវ​ភ័យ​ទេ​ទោះ​ជួប​អ្នក​ណា​ក៏​ដោយ​លើ​សង្វៀន​ ​​ត្រូវ​​ចង់​ឈ្នះ​ មិន​ខ្លាច​របួស​ស្នាម​ និង ​​​ត្រូវ​ចាត់​ទុក​ជា​រឿង​ធម្មតា។ ​លក្ខណៈ​បច្ចេកទេស គាត់​បាន​បង្ហាត់​ខ្ញុំ​​​ទៀងទាត់​ និង ​​មាន​ភាព​អំណត់​អត់ធន់ ​ដែល​ធ្វើ​​ឲ្យ​ខ្ញុំ​មាន​សន្ទុះ​កាន់​តែ​ខ្លាំងក្លា។ ខ្ញុំ​ចាំ​ច្បាស់​ថា​ ​ខ្ញុំ​ត្រូវ​ស្រលាញ់​ការ​វៃ​របស់​ខ្ញុំ​រៀងរាល់​នាទី​ ព្រោះ​​យើង​ឡើង​មក​ដើម្បី​វ៉ៃ ឬ ប្រកួត»។ កីឡាករ​ដែល​ឡើង​សង្វៀន​ ONE ​បាន​ចំនួន​ ៣ ដង​រូប​នេះ ​បាន​រៀន​សូត្រ​ជា​ច្រើន​ក្នុង​រយៈ​កាល​កន្លង​ទៅ​ ក្នុង​នាម​កីឡាករ​ត្រូវ​តែ​ដោះ​ស្រាយ​​ឲ្យ​បាន​ល្អ​​នៅ​លើ​សង្វៀន ​កីឡាករ​ផ្សេងគ្នា​ត្រូវ​តែ​មាន​វិធី​​វ៉ៃ​ផ្សេង​​គ្នា​ដែរ​​ មិន​ត្រូវ​បារម្ភ​អំពី​​គូបដិបក្ខ​ ត្រូវ​មាន​ជំនឿ​​ចិត្ត​​ពេល​ឡើង​រេញ ​​និង​ មុន​​គ្រប់គ្រង​លើ​គូ​ប្រកួត​​ត្រូវ​គ្រប់គ្រង​ខ្លួន​​ឯង​សិន។ មិន​ត្រឹម​បង្រៀន​​ក្បាច់​គុន​ប៉ុន្តែ​ ​"The Biafran … Continue reading ហេតុ​​ផល​សំខាន់ៗ Emmanuel សរសើរពេល​ហ្វឹកហាត់​ជា​មួយ​ ចាន់ រតនា​

គ្រូ​បង្វឹក​​​ Lorenzo ​​ថា​ រតនា​ ​ហាត់​ខ្លាំង​ វិន័យ​ របប​អាហារ​ ស្មារតី​​ និង​ទទួល​ការ​បង្វឹក​ពី​ LLFitness ទើប​​ឈ្នះ​ ២ ​ប្រកួត​ជាប់​គ្នា​នៅ​សង្វៀន​ ONE

គ្រូ​បង្វឹក​​​សញ្ជាតិ​អ៊ីតាលី ​លោក​ Lorenzo ​​និង​ ក្រុម​ការងារ​ LLFitnes បាន​ដើរ​តួច​យ៉ាង​សំខាន់​ដើម្បី ​ជួយ​ពង្រឹង​កម្លាំង​​​កីឡាករ​ជើង​ខ្លាំង​គុន​ចម្រុះ​​​​កម្ពុជា ​​ចាន់ រតនា​​ ​ឲ្យ​កាន់​តែ​ខ្លាំងក្លា​ និង​ ទទួល​ជ័យជម្នះ​ ២ ​លើក​ជាប់​គ្នា​ចុង​ក្រោយ​នៅ​សង្វៀន​ ONE Champinship។​ ​ទន្ទឹម​គ្នា​​នេះ​ ​រតនា ​ហ្វឹកហាត់​ខ្លាំង​ ​​មាន​វិន័យ​ ស្មារតី និង​ ​របប​អាហារ​ញុំា​ត្រឹម​ត្រូវ។ លោក​ Lorenzo ​ដែល​មក​​ស្រុក​ខ្មែរ​តាំង​ពី​ ៥ ​ឆ្នាំ​មុន​​បាន​​រៀប​រាប់​ថា​៖«​ដំបូង​ឡើយ​ខ្ញុំ​​មក​កម្ពុជា​គ្រាន់​តែ​​​ថ្ងៃ​សម្រាក​របស់​ខ្ញុំ​តែ​ប៉ុណ្ណោះ។ ប៉ុន្តែ​ខ្ញុំ​បាន​ដក់​ចិត្ត​ស្រលាញ់​ប្រទេស​នេះ ​ហើយ​ក៏​សម្រេច​ចិត្ត​​ស្នាក់​នៅ​តែ​ម្ដង។ ​​ចំណុច​ទី១​ ការ​ពិត​​ណាស់​​ជ័យជម្នះ​២​ លើក​របស់​ចាន់ រតនា​ ​​បាន​មក​ដោយ​សារ ​ការ​លះ​បង់ និង​ ​មាន​វិន័យ​ផ្ទាល់​ខ្លួន ​​រួម​ទាំង​ទំនាក់​ទំនង​ល្អ​រវាង​​ គេ​[រតនា] និង​ ខ្ញុំ។ យើង​បាន​ក្លាយ​ជា​មិត្ត​ដ៏​ល្អ​​អស់​ពេល​ជា​ច្រើន​ឆ្នាំ។ ​​​​ចំណុច​ទី២​ ​ខ្ញុំ​ដឹង​ថា​ ​គេ​ជឿជាក់​លើ​សមត្ថភាព​របស់​ខ្លួន​ ដូច្នេះ​​ហើយ​ខ្ញុំ​​សង្ឃឹម​ថា​រូប​គេ​ផ្ដល់​ឲ្យ​នូវ​លទ្ធផល​ដ៏​ល្អ​ ​​រាល់​ ​ការ​​ប្រកួត​ ​​រួម​ទាំង​ការ​ហ្វឹកហាត់​បាន​ល្អ​​សម្រាប់​ខ្ញុំ។ ​ចំណុច​ទី៣​ ​គេ​មាន​​កម្លាំង​ចិត្ត ​​និង​​ ​មាន​វិន័យ​ច្បាស់​លាស់​នៅ​ពី​ក្រោយ​រូប​គេ​​ … Continue reading គ្រូ​បង្វឹក​​​ Lorenzo ​​ថា​ រតនា​ ​ហាត់​ខ្លាំង​ វិន័យ​ របប​អាហារ​ ស្មារតី​​ និង​ទទួល​ការ​បង្វឹក​ពី​ LLFitness ទើប​​ឈ្នះ​ ២ ​ប្រកួត​ជាប់​គ្នា​នៅ​សង្វៀន​ ONE

អាថ៌កំបាំង​​របស់​ ចាន់​ រតនា ​ជា​មួយ​ LLFitness ​ដែល​ធ្វើ​ឲ្យ​ក្បាច់​គុន​​របស់​គេ​នៅ​តែ​​​​ខ្លាំង ​​

ក្រុម​ការងារ​ និង​ ក្រុម​គ្រូ​បង្វឹក​​នៅ​ LLFitness ​ជា​​អ្នក​នៅ​ពី​ក្រោយ​ខ្នង​​​សំខាន់​បំផុត​ដែល​ជំរុញ​ឲ្យ​ ​ចាន់ ​រតនា​ ទទួល​បាន​ជោគ​ជ័យ​ជា​បន្ត​បន្ទាប់​នៅ​សង្វៀន​ ONE Championship។ ​ម្ចាស់​ក្លិប «សិល្បៈ» ទទួល​បាន​​ការ​ហ្វឹកហាត់​ផ្នែក​​កម្លាំង និង ​កាយ​សម្បទា​យ៉ាង​​ដិត​ដល់​ពី​សំណាក់​ LLFitness ​ជា​​រៀង​រាល់​ថ្ងៃ​ និង ​មុន​ចេញ​ទៅ​ប្រកួត​​លើ​ឆាក​អន្តរជាតិ។ ​ដ្បិត​ ចាន់​ រតនា​​​ វ័យ​​៣៣ ឆ្នាំ​ប៉ុន្តែ​ ​អាជីព​​​ប្រកួត​លើ​សង្វៀន​ ONE នៅ​តែ​ទទួល​បាន​លទ្ធផល​ល្អ​ជា​បន្ត​បន្ទាប់​​ជា​ពិសេស​​រូប​គេ​ទើប​ឈ្នះ​​កីឡាករ​​គុន​ចម្រុះ​ឥណ្ឌូណេស៊ី​ Rudy Agustian ​នៅ​សង្វៀន​ ONE :FOR HONOR ​កាល​ដើម​ខែ​ ឧសភា​ នេះ​នៅ​ប្រទេស​​ឥណ្ឌូណេស៊ី។​ ​​ចាន់ ​រតនា​ ​បង្ហើប​ថា៖« ​គ្រូ​​​បង្វឹក​​ Lorenzo Lanzafame ​និង​ក្រុម​ការងារ​ នៅ​ LLFitness បាន​រួម​ចំណែក​យ៉ាង​ធំ​ធេង​ដល់​ជ័យជម្នះ​របស់​ខ្ញុំ​​រៀងរាល់​ការ​ប្រកួត។​ ខ្ញុំ​បាន​ហ្វឹកហាត់​​ជា​មួយ​ពួក​គាត់​តាំង​ពី​​ខ្ញុំ​​ឈាន​ជើង​ចូល​ប្រកួត​​​ដាក់​ទ្រុង​នៅ​ស្រុក​ខ្មែរ​​ជា​លើក​ទី២​ម៉្លេះ ​ដែល​កាល​នោះ ONE គេ​រៀប​ចំ​នៅ​ស្រុក​​កម្ពុជា។ ​Lorenzo បង្ហាត់​​ផ្នែក​កម្លាំង​ កាយ​សម្បទា​ និង ​កម្លាំង​ស៊ុហ្វ​ដល់​ខ្ញុំ។ … Continue reading អាថ៌កំបាំង​​របស់​ ចាន់​ រតនា ​ជា​មួយ​ LLFitness ​ដែល​ធ្វើ​ឲ្យ​ក្បាច់​គុន​​របស់​គេ​នៅ​តែ​​​​ខ្លាំង ​​