សាន សៅយ៉ាន់ ​ថា​​​ សុខ ធី​ ល្អ​ប្រសើរ​ជាង​មុន​ ក្រោយ​ចាញ់​​ ​Rodtang ​និង​ ត្រៀម​ខ្លួន​ប្រកួត​ ៣​ទឹក​នៅ​សង្វៀន​ឯក​ភ្នំ​

គ្រូ​បង្វឹក​​​ សាន សៅយ៉ាន់​​ ​​​បាន​បង្ហើប​ថា​កូន​សិស្ស​របស់​ខ្លួន​ សុខ ធី​ ​​មើល​ទៅ​​​មាន​កម្លាំង​ស៊ុហ្វ​ល្អ​ជាង​មុន​​បន្ទាប់​ពី​ចាញ់​ Rodtang Jitmuangnon ​​កាល​ខែ​ ឧសភា​ កន្លង​ទៅ​​នៅ​ប្រទេស​ថៃ ​ហើយ​ត្រៀម​ខ្លួន​ឡើង​សង្វៀន​​ឯក​ភ្នំ​ដើម្បី​ប្រកួត​ ៣​​ទឹក​ដូច​សង្វៀន​ ONE។​ ​ថ្មីៗ​នេះ​ជើង​ខ្លាំង​ Rodtang Jitmuangnon ​ទើប​ឈ្នះ​ខ្សែ​ក្រវាត់​លំដាប់​​ពិភព​លោក​ FLYWEIGHT MUAY THAI WORLD CHAMPIONSHIP ​ ពី​ Jonathan Haggerty។​ ​​លោក​ សាន សៅយ៉ាន់​ ​រំលឹក​ថា​ ​បន្ទាប់​ពី​ សុខ ធី ​​ចាញ់​​​ដោយ​សារ​​ការ​ទាត់​ជើង​ក្រោម​ ​របស់​ Rodtang ​គេ​បាន​​តាំង​ចិត្ត​​ហ្វឹកហាត់​យ៉ាង​ល្អ​ដើម្បី​​ត្រលប់​មក​ដូច​ដើម​ និង​ ​ល្អ​ប្រសើរ​ជាង​មុន។​ ​ក្រោយ​រង​បរាជ័យ​ទល់​នឹង​ ​​មនុស្ស​ដែក​ Rodtang ​សុខ​ ធី​ ទើប​ឡើង​សង្វៀន​បាន​ ២​ ប្រកួត​ប៉ុណ្ណោះ​ ហើយ​ឈ្នះ​ទាំង​ពីរ​ប្រកួត។​ ​គ្រូ​បង្វឹក​ដដែល​ថា​ ​សុខ ធី​ ​ឈ្នះ​ពិន្ទុ​កីឡាករ​ថៃ​ Khaokrachang … Continue reading សាន សៅយ៉ាន់ ​ថា​​​ សុខ ធី​ ល្អ​ប្រសើរ​ជាង​មុន​ ក្រោយ​ចាញ់​​ ​Rodtang ​និង​ ត្រៀម​ខ្លួន​ប្រកួត​ ៣​ទឹក​នៅ​សង្វៀន​ឯក​ភ្នំ​

ស សី ថ្លែងសារអំពីការជួយរបស់គ្រូបង្វឹក ហ៊ុន ច័ន្ទរាជ្យ តាំងពីដើមរហូតដល់បច្ចុប្បន្ន

កីឡាករគុនខ្មែរ និង គុនចម្រុះជើងចាស់ ស សី បានសរសើរដល់ទឹកចិត្តរបស់គ្រូបង្វឹក ហ៊ុន ច័ន្ទរាជ្យ ប្រធានក្លិប Cambodian Top Team ដែលខំព្យាយាមជួយខ្លួនកន្លងមករហូតដល់បច្ចុប្បន្ននេះ។ បុរសវ័យ ៣៧ ឆ្នាំដែលល្បីឈ្មោះខាងគុនខ្មែរដល់គុនចម្រុះជាពិសេសបង្ហាញខ្លួនលើសង្វៀន ONE CHAMPIONSHIP នោះបានឃ្លាតឆ្ងាយពីសង្វៀនទៅហើយដោយផ្អែកលើហេតុផលវ័យកាន់តែចាស់ ស្របពេលម្ដាយព្រមទាំងប្រពន្ធផងបានហាមឃាត់រឿងឡើងសង្វៀន។ យ៉ាងណាក៏ដោយអតីតកូនសិស្សលោក អេ ភូថង បានថ្លែងអំណរគុណ យ៉ាងដូច្នេះ ៖«បើសិនខ្ញុំនៅហ្វឹកហាត់ខ្លាំងដូចមុន ខ្ញុំតែងតែទទួលបានការចាប់គូឡើងប្រកួតជាពិសេស សង្វៀន ONE និង ទទួលបានប្រាក់កម្រៃគួរសម។ ប៉ុន្តែ ឥឡូវ ខ្ញុំពិបាកធ្វើដូចមុន ព្រោះមិនអាចឃ្លាតឆ្ងាយពីគ្រួសារ និង កូនតូចៗ។ ខ្ញុំសូមអរគុណដល់ គ្រូ ហ៊ុន ច័ន្ទរាជ្យ ដែលជួយជ្រោមជ្រែងទាំងការចាប់គូ និង ការបង្វឹកកន្លងមក»។ ក្រៅពីការដឹងគុណអតីតកូនសិស្សនៅក្លិបក្រសួងការពារជាតិ បានទទូចឲ្យកីឡាករជំនាន់ក្រោមកុំបោះបង់ក្ដីស្រមៃទៅប្រកួតនៅបរទេសចោលឲ្យសោះ ព្រោះឱកាសល្អនៅមានបន្តបន្ទាប់ទៀតឲ្យតែខំប្រឹងប្រែងពិតប្រាកដ។ បុរសដដែលសង្កត់ធ្ងន់ថា៖«ពេលយើងហ្វឹកហាត់ឲ្យខ្លាំង គ្រូបង្វឹកនឹងចាប់គូឲ្យវ៉ៃមិនខាន។ ពេលយើងខ្លាំង មិនខ្វះសង្វៀនប្រកួតទេ បើមិនប្រកួតនៅក្រៅប្រទេសក៏សង្វៀនក្នុងស្រុកមានច្រើនដែរ»។ ស សី បានប្រៀបធៀបតម្លៃខ្លួនពីមុនមានកម្រិតទាបជាងឥឡូវច្រើនណាស់។ … Continue reading ស សី ថ្លែងសារអំពីការជួយរបស់គ្រូបង្វឹក ហ៊ុន ច័ន្ទរាជ្យ តាំងពីដើមរហូតដល់បច្ចុប្បន្ន

វី ស្រីខួច ​ជម្នះ​រឿង​រ៉ាវ​ជា​ច្រើន​រហូត​​ក្លាយ​ខ្លួន​ជា​កីឡា​ការិនី​ប្រដាល់​​លេច​ធ្លោ​នៅ​កម្ពុជា​

វី ស្រីខួច​ ដែល​​​​គេ​ស្គាល់​តាម​រយៈ​ការ​ប្រកួត​ជា​ច្រើន​នៅ​លើ​សង្វៀន​ប្រដាល់​សេរី​ ​ជា​ពិសេស​​​ការ​បង្ហាញ​ខ្លួន​​នៅ​សង្វៀន​ ONE ​នា​​ឆ្នាំ​​កន្លង​ទៅ។ ​បច្ចុប្បន្ន​នេះ​​ ស្រីខួច​ ជា​កីឡាការិនី​ប្រដាល់​សកល​​ជម្រើស​ជាតិ​​ដ៏​​លេច​ធ្លោ​ម្នាក់​ និង​ ត្រៀម​ខ្លួន​ដើម្បី​ប្រកួត​​នៅ​ស៊ីហ្គេម​ចុង​ឆ្នាំ​ ២០១៩ ​នេះ​នៅ​ហ្វីលីពីន​តំណាង​ឲ្យ​កម្ពុជា។​ ​មាន​រឿង​រ៉ាវ​ និង​ ការ​តស៊ូ​​​ជា​ច្រើន​រហូត​ដល់​មាន​ភាព​លេច​ធ្លោ​ក្នុង​ពិភព​កីឡា​ប្រដាល់​នៅ​កម្ពុជា។ ​វី ស្រីខួច​ ជម្នះ​លើ​ការ​ទិតៀន៖ វី ស្រីខួច ​​ត្រូវ​បាន​​​ស្ត្រី​ជា​ច្រើន​​ក្នុង​សង្គម​ ឬ ​អ្នក​​មាន​វ័យ​ស្របាល​គ្នា​រិះគន់​ថា​ខ្លួន​ជា​​ស្រី​ ​​បែរ​ជា​ទៅ​ហាត់​ក្បាច់​គុន​​ទាត់​ធាក់​​ ព្រោះ​ក្បាច់​គុន​សម្រាប់​បុរស​ៗ។​ ​​​ ស្រីខួច ​ចូល​ហាត់​ប្រដាល់​តាំង​ពី​អាយុ​ ១៦ ​ឆ្នាំ​ ជា​មួយ​បង​ប្រុស​ វី សាវុធ ​នៅ​ក្លិប​ឥន្ទ្រី​កីឡា​ ​ដែល​​​បង្វឹក​ដោយ​​​លោក​គ្រូ ​ដួង បូរី ​នៅ​មិន​​ឆ្ងាយ​ពី​ផ្ទះ​ប៉ុន្មាន​​នា​​ក្រុង​ ​តាខ្មៅ​ ខណៈ​ដែល​ ​ខ្លួន​កំពុង​ធ្វើ​ការ​រោង​ចក្រ​​នៅ​ឡើយ​ដោយ​សារ​ជីវភាព​គ្រួសារ​ខ្សត់ខ្សោយ។​ ស្រីខួច​ ធំ​ដឹង​ក្ដី​​ក្នុង​ការដ្ឋាន​សំណង់​ ព្រោះ​​ឳពុក​ម្ដាយ​ធ្វើ​ការ​សំណង់​នៅ​​ ភូមិ​ព្រែក​សំរោង ឃុំ​តាខ្មៅ ​ក្រុង​​តាខ្មៅ​ ​អំឡុង​ឆ្នាំ​ ២០០០​ ដែល​នេះ​ជា​ហេតុ​​ធ្វើ​​ឲ្យ​ខ្លួន​មិន​អាច​បន្ត​ការ​សិក្សា​បាន​វែង​ឆ្ងាយ​ដូច​ក្មេង​​ស្រី​ដទៃ។ ដំបូង​ឡើយ​ ស្រីខួច ​ចូល​ហាត់​​លេង​ៗ​​ដើម្បី​សុខភាព​ប៉ុន្តែ​ ​ទីបំផុត​ប្រដាល់​បាន​រុញ​ច្រាន​ជីវិត​ឲ្យ​ល្អ​ប្រសើរ។​ … Continue reading វី ស្រីខួច ​ជម្នះ​រឿង​រ៉ាវ​ជា​ច្រើន​រហូត​​ក្លាយ​ខ្លួន​ជា​កីឡា​ការិនី​ប្រដាល់​​លេច​ធ្លោ​នៅ​កម្ពុជា​

វី ស្រីខួច៖«​លទ្ធផល​យ៉ាង​ណា​នៅ​ស៊ីហ្គេម​ ​មាន​តែ​ខំ​ប្រឹង​រាល់​ថ្ងៃ ​​បូក​នឹង​ការ​បោះ​ជំរំ​ហ្វឹកហាត់​​នៅ​ជប៉ុន»

វី ស្រីខួច​ ជា​កីឡាការិនី​ប្រដាល់​សកល​​ជម្រើស​ជាតិ​ម្នាក់​​ដូច​ នៅ ស្រីពៅ​ ​និង ​ជា​​ក្ដី​សង្ឃឹម​ថា​ធ្វើ​បាន​ល្អ​​នៅ​ស៊ីហ្គេម​ចុង​ឆ្នាំ​នេះ។ ​វី ស្រីខួច​ ​នឹង​​ចេញ​ទៅ​​បោះ​ជំរំ​​ហ្វឹកហាត់​នៅ​ប្រទេស​ជប៉ុន​​ចាប់​ពី​ថ្ងៃ​ទី​១ ​ខែ ​កញ្ញា​ តទៅ​​​​ ដើម្បី​ត្រៀម​ខ្លួន​​ឲ្យ​បាន​ល្អ​សម្រាប់​ព្រឹត្តិការណ៍​ស៊ីហ្គេម​​​ចុង​ឆ្នាំ​​២០១៩ ​នេះ។​ ​ការ​ចេញ​ទៅ​ហ្វឹកហាត់​​​នៅ​ប្រទេស​ជប៉ុន​​ចាប់​​ពី​ដើម​ខែ​ កញ្ញា​ ​នឹង​​បន្ត​​រហូត​ដល់​ថ្ងៃ​ចេញ​​ទៅ​ប្រកួត​នៅ​​​ស៊ីហ្គេម​លើក​ទី​៣០ ​ដែល​រៀប​ចំ​នៅ​​ហ្វីលីពីន​ ​​ពី​​ថ្ងៃ​ទី​ ៣០ ​ខែ​ វិច្ឆិកា​ ​រហូត​ដល់​​ថ្ងៃ​ទី​ ១១​ ខែ ធ្នូ​ ឆ្នាំ​ ២០១៩។​ វី ស្រីខួច ​ដែល​មាន​បទ​ពិសោធន៍​ចូល​រួម​ស៊ីហ្គេម​​​​ឆ្នាំ​២០១៧ ​នោះ​បាន​គូស​បញ្ជាក់​ថា ៖«​ខ្ញុំ​មាន​តែ​​ការ​ខំ​ប្រឹង​ប៉ុណ្ណោះ​ ដើម្បី​ទទួល​បាន​លទ្ធផល​ល្អ។​ ​ខ្ញុំ​សង្ឃឹម​ថា​ការ​ហ្វឹកហាត់​នៅ​ជប៉ុន​​បូក​រួម​ទាំង​ការ​ហ្វឹកហាត់​នៅ​ស្រុក​ខ្មែរ​ជា​យូរ​មក​នេះ​ធ្វើ​​​ឲ្យ​ការ​​ប្រកួត​របស់​ខ្ញុំ​​កាន់​តែ​ប្រសើរ​ឡើង»។ ស្រីខួច​ ​ដែល​មាន​បទ​ពិសោធន៍​នៅ​សង្វៀន​ ONE ​រំលឹក​​​ត​​ទៀត​បែប​នេះ៖«​ខ្ញុំ​​មាន​អារម្មណ៍​ថា​ កម្លាំង​ស៊ុហ្វ​ ខ្ញុំ​​ល្អ​ជាង​មុន​ ទោះ​ខ្ញុំ​ឡើង​គីឡូ​​ជាង​​៥០ ដល់​ ៦១ គីឡូក្រាម​​ពេល​នេះ​ក្ដី។ ​ពេល​ខ្ញុំ​ឡាំ​គ្នា​​ពេល​ហ្វឹកហាត់ ឬ វ៉ៃ​ឆ្លាស់​គូ​គ្នា​អី ​​អត់​ឆាប់​អស់​ដូច​មុន​ទេ»។ ​ កីឡាការិនី​រូប​នេះ​​​ចូល​ហ្វឹកហាត់​ជា​មួយ​ក្រុម​ជម្រើស​ជាតិ​​​ដែល​ប្រមូល​ផ្ដុំ​ដោយ​​ក្រសួង​អប់​រំ​ យុវជន​ និង​ កីឡា​​នៅ​​ពហុកីឡដ្ឋាន​ជាតិ​ប្រមាណ​​ជា​ … Continue reading វី ស្រីខួច៖«​លទ្ធផល​យ៉ាង​ណា​នៅ​ស៊ីហ្គេម​ ​មាន​តែ​ខំ​ប្រឹង​រាល់​ថ្ងៃ ​​បូក​នឹង​ការ​បោះ​ជំរំ​ហ្វឹកហាត់​​នៅ​ជប៉ុន»

គ្រូ​ ហ៊ុន ច័ន្ទរាជ្យ​ ​ប្រាប់​មូល​ហេតុ​អំពី​ការ​ដក​ខ្លួន​របស់​ ចាន់ សំអាត​ នៅ​សង្វៀន​ ONE

អ្នក​លេង​គុន​ចម្រុះ​ ចាន់ សំអាត​ ​មក​​ពី​ក្លិប​ Cambodian Top Team ​គ្រោង​ឡើង​​​​សង្វៀន​​ ​ ONE Championship ​ជា​ថ្មី​នា​​ថ្ងៃ​ទី ៦​ ខែ​​ សីហា​ ខាង​មុខ​ ​​ដោយ​ជួប​កីឡាករ​​មីយ៉ាន់ម៉ា​ Punnya Say ​ដែល​​រៀប​ចំ​នៅ​ប្រទេស​សិង្ហបុរី ​ប៉ុន្តែ​ត្រូវ​ដក​ខ្លួន​​​​ទៅ​វិញ​​ព្រោះ​​តែ​បញ្ហា​របួស។ ​សំអាត ​ត្រូវ​បាន​គេ​បង្ហើប​ថា​នឹង​ឡើង​ប្រកួត​​ក្នុង​ប្រភេទ​ទម្ងន់​​ចន្លោះ​ពី​ ៥៦ ​ទៅ​ ​៦០ ​គីឡូក្រាម​ ដែល​ជា​គីឡូ​ដើម​​របស់​ខ្លួន​ ​បន្ទាប់​ពី​​​​ឡើង​ប្រកួត​លើក​មុនៗ​នៅ​សង្វៀន​ ONE គឺ ​ត្រូវ​ដំឡើង​ដល់​ ៦៥​ គីឡូក្រាម​ទើប​មាន​គូ​ប្រកួត។​ ប៉ុន្តែ​ ​​​ក្ដី​រំពឹង​​​​នៃ​​ការ​បង្ហាញ​​ខ្លួន​លើក​ទី​ ៥ នៅ​សង្វៀន​អន្តរជាតិ​​​របស់​ខ្លួន​ត្រូវ​បាន​ខក​ខាន​ទៅ​វិញ។​ ​ទាក់​ទិន​នឹង​បញ្ហា​នេះ​ លោក ​ហ៊ុន ច័ន្ទរាជ្យ​ ​គ្រូ​បង្វឹក​​នៅ​ក្លិប​ Cambodian Top Team បាន​​ថ្លែង​ថា​ ៖«​ខ្ញុំ​សម្រេច​ចិត្ត​ដក​ឈ្មោះ​ ចាន់ សំអាត​ ចេញ​ពី​បញ្ជី​ប្រកួត​នៅ ​សង្វៀន​​ ONE ​​នា​ដើម​ខែ​សីហា​ នៅ​ប្រទេស​សិង្ហបុរី​ … Continue reading គ្រូ​ ហ៊ុន ច័ន្ទរាជ្យ​ ​ប្រាប់​មូល​ហេតុ​អំពី​ការ​ដក​ខ្លួន​របស់​ ចាន់ សំអាត​ នៅ​សង្វៀន​ ONE

ចាន់ សំអាត ​រៀប​រាប់​​អំពី​បទ​ពិសោធន៍​ជូរចត់​​និង​ល្អ​​ទាំង​ក្នុង​​វិស័យ​គុន​ខ្មែរ និង ​គុន​ចម្រុះ

ចាន់​ សំអាត ​​មាន​ឈ្មោះ​បោះ​សំឡេង​កាន់​តែ​ខ្លាំង​​ពេល​​ឡើង​ប្រកួត​នៅ​សង្វៀន​អន្តរជាតិ​ ONE ​មួយ​រយៈ​ចុង​ក្រោយ​នេះ។ ​​ក្នុង​នោះ​​​ សំអាត​ ​មាន​បទ​ពិសោធន៍​ជូរចត់​ និង​​ បទ​ពិសោធន៍​ល្អ​​​អំឡុង​ពេល​​ប្រឡូក​​ក្នុង​​​វិស័យ​គុន​ខ្មែរ​ និង ​គុន​ចម្រុះ​តាំង​ពី​ដើម​ដល់​បច្ចុប្បន្ន​នេះ។ ​បើ​គិត​​កំណត់​ត្រា​ប្រកួត​​គុន​ខ្មែរ​នៅ​តាម​ជាយ​ដែន​ និង ចូល​ប្រកួត​នៅ​ថៃ​ខ្លះ​ផង​​នោះ ​ចាន់​ សំអាត​ ​ប្រហែល​​ប្រកួត​បាន​ជាង​ ១០០ ​លើក​ ប៉ុន្តែ​​ កំណត់​ត្រា​​លើ​សង្វៀន​តាម​ទូរទស្សន៍​ត្រូវ​​គេ​បង្ហាញ​ត្រឹម​​ក្បែរ​ ១០០ ​​​លើក​ប៉ុណ្ណោះ។​ រឿង​ជូរចត់​លាយ​សំណាង៖ ក្រោយ​​ឳ​ពុក​ទទួល​មរណភាព​អំឡុង​ឆ្នាំ​ ២០០២​ ​បាន​បន្សល់​​ទុក​ម្ដាយ​​និង​បង​ប្អូន​​ប្រុស​ស្រី​ ៣​នាក់​គ្មាន​ទី​ពឹង​​ដូច​មុន ​រួម​ទាំង​ ​សំអាត​ ផង។ ​សំអាត ​បាន​ក្លាយ​ជា​​ក្មេង​ដើរ​លេង​គ្មាន​គោល​ដៅ​ និង ​ឈប់​រៀន​ត្រឹម​ថ្នាក់​ទី​៧។ ​យ៉ាង​ណា​​ក្ដី ​វា​​ជា​សំណាង​​មួយ​រហូត​ដល់​សព្វ​ថ្ងៃ​នេះ​ គឺ ​ខុន ស៊ីចាន់ ​​បាន​ណែនាំ​​ឲ្យ​រូប​គេ​ទៅ​ហាត់​ប្រដាល់​នៅ​ឆ្នាំ​ ២០០៨ ​ជា​មួយ​គ្រូ​បង្វឹក​ ឡោ វុទ្ធី ​នៅ​ក្លិប​​កងពលធំ​អន្តរាគមន៍​លេខ៣​​ខេត្ត​​ព្រះវិហារ​ បន្ទាប់​ពី ​​ស៊ីចាន់ ​បាន​ឃើញ​ សំអាត​ ឡើង​ប្រកួត​​​សប្បាយៗ​ក្នុង​កម្មវិធី​បុណ្យ​​ចូល​ឆ្នាំ​​ខ្មែរ​នៅ​វត្ត ​«ថ្លាត»​ នា​​​ស្រុក​​អន្លង់​វែង។ ​សំអាត … Continue reading ចាន់ សំអាត ​រៀប​រាប់​​អំពី​បទ​ពិសោធន៍​ជូរចត់​​និង​ល្អ​​ទាំង​ក្នុង​​វិស័យ​គុន​ខ្មែរ និង ​គុន​ចម្រុះ

នៅ​ ​ស្រីពៅ ​ទៅ​បោះ​ជំរំ​ហ្វឹកហាត់​នៅ​ជប៉ុន​​ដើម្បី​​ស្វែង​រក​​លទ្ធផល​ល្អ​នៅ​ស៊ីហ្គេម​ចុង​ឆ្នាំ​នេះ​

កីឡាការិនី​គុន​ខ្មែរ​ នៅ ស្រីពៅ​ ដែល​​ជាប់​​​នៅ​ក្រុម​ជម្រើស​ក្នុង​វិញ្ញាសា​ប្រដាល់​សកល​​​នោះ​ គ្រោង​ចេញ​ទៅ​​ហ្វឹកហាត់​នៅ​ប្រទេស​ជប៉ុន​​នា​ថ្ងៃ​ទី ១ ​ខែ ​កញ្ញា​ ខាង​មុខ​ដើម្បី​ត្រៀម​ខ្លួន​ឲ្យ​បាន​ល្អ​សម្រាប់​ព្រឹត្តិការណ៍​ស៊ីហ្គេម​​​ចុង​ឆ្នាំ​​២០១៩ ​នេះ​នៅ​ហ្វីលីពីន។​ ​ការ​ចេញ​ទៅ​ហ្វឹកហាត់​នេះ​ ​គឺ​រហូត​ដល់​ថ្ងៃ​ចេញ​ទៅ​ប្រកួត​នៅ​ស៊ីហ្គេម​តែ​ម្ដង។ ​​ស៊ីហ្គេម​លើក​ទី​៣០ ​ដែល​រៀប​ចំ​នៅ​​ហ្វីលីពីន​ ​នឹង​ចាប់​ផ្ដើម​​​នៅ​ថ្ងៃ​ទី​ ៣០ ខែ​ វិច្ឆិកា​ ​រហូត​ដល់​​ថ្ងៃ​ទី​ ១១ ខែ ធ្នូ​ ឆ្នាំ​ ២០១៩។​ នៅ​ ស្រីពៅ​ ដែល​កំពុង​ក្រសោប​​បាន​ប្រជា​ប្រិយភាព​ខ្លាំង​ក្លា​​មួយ​​​រយៈ​ចុង​ក្រោយ​នេះ​បាន​ថ្លែង​​ថា៖«​​ឆ្នាំ​នេះ​ជា​លើក​ទី១​ ខ្ញុំ​ទៅ​ចូល​រួម​នៅ​ស៊ីហ្គេម។ ​ហើយ​ការ​ចេញ​​​ទៅ​ហាត់​នៅ​ជប៉ុន​នេះ គឺ ដើម្បី​បង្កើន​បច្ចេកទេស​​ និង​ ​​​​នាំ​យក​លទ្ធផល​​ល្អ​ជូន​​អ្នក​គាំទ្រ​​និង ​ជាតិ​វិញ។ ​ខ្ញុំ​រំភើប​​ចិត្ត​ នេះ​ជា​លើក​ទី​១ ​ដែល​​ខ្ញុំ​មាន​​ឱកាស​ទៅ​ហ្វឹកហាត់​ក្រៅ​ប្រទេស។ ខ្ញុំ​នឹង​ទទួល​បាន​បទ​ពិសោធន៍​​ច្រើន​អំពី​ការ​ហ្វឹកហាត់​​នេះ​»។ ជា​រឿយៗ​ ​មុន​ចេញ​ទៅ​ប្រកួត​នៅ​ស៊ីហ្គេម​ ​ក្រុម​កីឡាករ​ប្រដាល់​ជម្រើស​ជាតិ​តែង​តែ​ទៅ​ហ្វឹកហាត់​ និង បោះ​ជំរំ​នៅ​ប្រទេស​ថៃ។​ ​​ប៉ុន្តែ​​ឆ្នាំ​នេះ​ទទួល​បាន​​ឱកាស​ទៅ​ទៅ​ហ្វឹកហាត់​នៅ​ជប៉ុន ដែល​ជា​រឿង​មួយ​ល្អ​​​នៅ​ប្រទេស​មាន​វិន័យ​តឹងរ៉ឹង​​មួយ​នេះ។ ​​​កាល​ឆ្នាំ ​​២០១៧ លោក​ វ៉ែន​ សុផល បាន​ដឹក​នាំ​កីឡាករ​ ៣ ​នាក់​ទៅ​ហាត់​នៅ​ប្រទេស​ថៃ​​រយៈ​ពេល​១​ខែ​ពេញ​មុន​​ចេញ​ទៅ​ស៊ីហ្គេម​ រួម​មាន​ ​ណាត … Continue reading នៅ​ ​ស្រីពៅ ​ទៅ​បោះ​ជំរំ​ហ្វឹកហាត់​នៅ​ជប៉ុន​​ដើម្បី​​ស្វែង​រក​​លទ្ធផល​ល្អ​នៅ​ស៊ីហ្គេម​ចុង​ឆ្នាំ​នេះ​

៣រឿង​​ដែល​អ្នក​​​អាច​មិន​ដឹង​អំពី​​អ្នក​លេង​ក្បាច់​គុន ចាន់ សំអាត

កីឡាករ​គុន​ចម្រុះ​ និង គុន​ខ្មែរ​​​ ចាន់ សំអាត​​ ​ចាប់​ផ្ដើម​មាន​ឈ្មោះ​បោះ​សំឡេង​រហូត​ដល់​បច្ចុប្បន្ន​ បន្ទាប់​ពី​រូប​គេ​​ចូល​ប្រឡូក​ក្នុង​វិស័យ​ក្បាច់​គុន​តាំង​ពី​ឆ្នាំ​ ២០០៨ មក។ ​ជា​មួយ​គ្នា​នេះ ​​គេ​មាន​ចំណុច​​សំខាន់​ចំនួន​ ៣ ដែល​អ្នក​​គាំទ្រ​​​អាច​មិន​ដឹង​​អំពី​ ​អ្នក​លេង​គុន​ចម្រុះ​រូប​នេះ​​ដូច​ជា​ជីវិត​គ្រួសារ​ ​​​​ការ​ចូល​​​ហាត់​ប្រដាល់​ដំបូង ​​និង ​​ការ​ប្រឡូក​ក្នុង​វិស័យ​​គុន​ចម្រុះ។ ១-​ជីវិត​គ្រួសារ៖ ​ចាន់ សំអាត​ ​មាន​​​​ស្រុក​កំណើត​នៅ​​ភូមិ​ទួល​ក្រឡាញ់​ ឃុំ​ថ្លាត​ ស្រុក​អន្លង់​វែង​ ខេត្ត​ឧត្ដរមានជ័យ។ ​ចាន់ សំអាត​ រៀប​ការ​តាំង​ពី​ឆ្នាំ​ ២០១២​ ជា​មួយ​​ប្រពន្ធ​ឈ្មោះ ​ប្រពន្ធ​ ​សាន្ត ឆេងហួង ​នៅ​​ស្រុក​​អន្លង់​វែង​​ខេត្ត​បន្ទាយ​មាន​ជ័យ។ ភរិយា​ របស់ ​សំអាត ​បម្រើ​ការងារ​នៅ​អង្គការ​មួយ​​នៅ​​ឯ​ស្រុក​កំណើត។ ​​​​​​សំអាត​ និង ​ភរិយា​ ​ជា​​​​​​អ្នក​រស់​នៅ​ក្នុង​ភូមិ​ក្បែរ​គ្នា។ ​មុន​​ចូល​រោង​ជ័យ​អ្នក​ទាំង​ពីរ​បាន​​មើល​ចិត្ត​គ្នា​អស់​រយៈ​ពេល​ប្រមាណ​​២ ឆ្នាំ។ ​​​ក្ដី​ស្រលាញ់​មួយ​នេះ​មិន​មាន​ការ​ណែនាំ​ពី​សាច់ញាតិ​​​ ឬ ការ​បង្ខំ​​ទេ​ ​ប៉ុន្តែ​វា​ជា​ការ​​ក្ដី​ស្រលាញ់​​ពិត​ប្រាកដ​រវាង​​​សាមី​ខ្លួន​ទាំង​សង​ខាង។ ​​អ្នក​​ទាំង​ពីរ​​បង្កើត​បាន​ចំណង​ដៃ​បាន​​​​កូន​ប្រុស​អាយុ​​ ៥​ ឆ្នាំ​ និង ​កូន​ស្រី​​ ​អាយុ​​ ២ឆ្នាំ។ ​ដ្បិត​រៀប​ការ​តាំង​ពី​ … Continue reading ៣រឿង​​ដែល​អ្នក​​​អាច​មិន​ដឹង​អំពី​​អ្នក​លេង​ក្បាច់​គុន ចាន់ សំអាត

​គ្រូ​ផ្នែក​កម្លាំង​​​​​បង្ហាញ​អំពី​ភាព​រីកចម្រើន​របស់​កូន​សិស្ស​​នៅ​ក្លិប​ CTT ​បន្ទាប់​​ពី​ហ្វឹកហាត់​ជាង​​ ៣ ​ខែ​មក​នេះ

​បន្ទាប់​ពី​ចូល​បង្វឹក​​​​​ផ្នែក​កម្លាំង​ និង​​កាយសម្បទា​ ​នៅ​ក្លិប​ប្រដាល់ ​Cambodian Top Team ​អស់​រយៈ​ពេល​ជាង​ ៣​ខែ​មក​នេះ​ ​​ឡាយ រស្មី​ ​​ដែល​ទទួល​ភារកិច្ច​​នេះ​​​បាន​កត់​សម្គាល់​​ឃើញ​ភាព​រីកចម្រើន​របស់​កូន​សិស្ស​​ទាំង​ផ្នែក​កម្លាំង​ និង ​ចលនា​​រហ័សរហួន​​ជាង​​មុន​ច្រើន។​ ​​ការ​ហ្វឹកហាត់​ផ្នែក​កម្លាំង​ និង ​​កាយសម្បទា​​​ជា​ផ្នែក​មួយ​មិន​អាច​ខ្វះ​​ក្នុង​គ្រប់​ប្រភេទ​កីឡា​ ​ហើយ​ ​​អាច​​​ទប់​កុំ​ឲ្យ​​កីឡាករ​អស់​​​ស៊ុហ្វ ​​​​និង​​មិន​ងាយ​​​​រង​របួស​ងាយៗ​ពេក។​ ​​ជាង​ ៣ ​ខែ​មក​នេះ​ ​លោក​ ហ៊ុន ច័ន្ទរាជ្យ ម្ចាស់​​ក្លិប​ប្រដាល់​ Cambodian Top Team (CTT) ​បាន​ជួល​សេវាកម្ម​អ្នក​ជំនាញ​ផ្នែក​កម្លាំង​លោក​ Mark Chen ​សញ្ជាតិ​ហុល្លង់។ ​មិន​យូរ​ប៉ុន្មាន​ ​លោក Mark Chen ​បាន​ផ្ដល់​សេច​ក្ដី​ទុក​ចិត្ត ​និង​ ​​ទម្លាក់​ការងារ​នេះ​​ឲ្យ​​អ្នក​ជំនិត​គ្រូ​​បង្វឹក​ ឡាយ រស្មី ​ដឹក​នាំ​​ការ​ហ្វឹកហាត់​​ផ្ទាល់​ជា​រៀង​មក។​ ឡាយ រស្មី ​​​ដែល​ត្រូវ​បាន​ទំនុក​ចិត្ត​ ​ព្រោះ​គេ​ជា​កីឡាករ​​មាន​បទ​ពិសោធន៍​ច្រើន​ ហើយ​​បាន​​​ទទួល​វគ្គ​បណ្ដុះ​​​បណ្ដាល​ជា​ច្រើន​វគ្គ​​​ជុំ​វិញ​ការ​បង្វឹក​ផ្នែក​កម្លាំង​ និង កាយ​សម្បទា​​​ពី​​ពី​​សហព័ន្ធ​កីឡា​បាល់ទាត់​អន្តរជាតិ (FIFA) និង​ ​​បាន​សិក្សា​ច្រើន​ពី​គ្រូ​បង្វឹក​​នានា​រួម​ទាំង​ Mark … Continue reading ​គ្រូ​ផ្នែក​កម្លាំង​​​​​បង្ហាញ​អំពី​ភាព​រីកចម្រើន​របស់​កូន​សិស្ស​​នៅ​ក្លិប​ CTT ​បន្ទាប់​​ពី​ហ្វឹកហាត់​ជាង​​ ៣ ​ខែ​មក​នេះ

មាស ម៉ើ ៖«​ទោះ​​ខ្ញុំ​​រត់​តាក់ស៊ី​ ​ខ្ញុំ​នៅ​តែ​ស្រលាញ់​​គុន​ចម្រុះ​ ​និង ​សង្ឃឹម​​ទទួល​ការងារ​ធ្វើ​ទៅ​ថ្ងៃ​មុខ»

«​​​បច្ចុប្បន្ន​​​​​នេះ​ខ្ញុំ​ជាប់​រវល់​បង។ ​ខ្ញុំ​​រត់​​ឡាន​​​ទួរីស​​ ១២ ​កៅ​អី​​​ដឹក​ភ្ញៀវ​ទៅ​មក​ ​ភ្នំពេញ​​ និង​ កំពង់​ធំ ដែល​ជា​ឡាន​​ផ្ទាល់​ខ្លួន។ ដូច្នេះ​​ខ្ញុំ​សម្រេច​ចិត្ត​ផ្អាក​​ហាត់​ និង ឡើង​សង្វៀន​សិន​​ដើម្បី​​រក​លុយ​​ចិញ្ចឹម​ប្រពន្ធ​​និង​កូន​ដល់​ ៣នាក់​ក្នុង​បន្ទុក ​ម្នាក់​ ៩​ឆ្នាំ ​​៣​ឆ្នាំ និង ១​ខួប។ ​ប៉ុន្តែ​ក្ដី​រំពឹង​ ខ្ញុំ​មិន​បោះ​បង់​​គុន​ចម្រុះ​ទេ ​នៅ​តែ​ចង់​ធ្វើ​ការ​​ផ្នែក​ក្បាច់​គុន​នេះ»​។ ​នេះ​ជា​ការ​ថ្លែង​ប្រាប់​ឲ្យ​ដឹង​​របស់​ មាស ​ម៉ើ​ ​ម្ចាស់​ខ្សែ​ក្រវាត់​​​ Khmer Warrior Challenge ​​វគ្គ​​២ ​និង ​ជា​កីឡាករ​មាន​បទ​​ពិសោធន៍​ក្រាស់​ក្រែល​​នៅ​សង្វៀន​គុន​ចម្រុះ​​​នៅ​ប្រទេស​ថៃ​រួម​ទាំង​ការ​​ប្រកួត​លើ​សង្វៀន​អន្តរជាតិ ONE Championship។ មាស ម៉ើ​ ខក​ខាន​ឡើង​សង្វៀន​ ​និង​ ហ្វឹកហាត់​តាំង​ពី​ចុង​​ខែ​ វិច្ឆិកា​ ឆ្នាំ ២០១៨​មក​ម៉្លេះ​ ​បន្ទាប់​ពី​ចាញ់​កីឡាករ​ហុល្លង់​ Anthony Engelen ​នៅ​សង្វៀន​ ONE: HEART OF THE LION ​នា​ប្រទេស​សិង្ហបុរី។​ កីឡាករ​វ័យ​២៩​ឆ្នាំ​រូប​នេះ​រៀប​​រាប់​ទៀត​ថា​ ៖«​សម្រាប់​គុន​ចម្រុះ​នៅ​តែ​មាន​តម្លៃ​​សម្រាប់​ខ្ញុំ​ ខ្ញុំ​ស្រលាញ់។ បើ​មិន​ស្រលាញ់​មិន​ខំ​ហាត់​និង​ចេញ​​ទៅ​ប្រកួត​អន្តរជាតិ​​ហូរហែ​នោះ​ទេ។ ​ប៉ុន្តែ​​តម្រូវ​ការ​ជីវភាព​ប្រចាំ​ថ្ងៃ​ទើប​​ផ្អាក​សិន។ … Continue reading មាស ម៉ើ ៖«​ទោះ​​ខ្ញុំ​​រត់​តាក់ស៊ី​ ​ខ្ញុំ​នៅ​តែ​ស្រលាញ់​​គុន​ចម្រុះ​ ​និង ​សង្ឃឹម​​ទទួល​ការងារ​ធ្វើ​ទៅ​ថ្ងៃ​មុខ»